भरधाव ट्रकच्या धडकेत जळगावातील अकौंटंटचा मृत्यू

जळगावात विद्यापीठाजवळ अपघात; सहकारी जखमी

जळगाव– भरधाव ट्रकने धडक दिल्याने जळगावातील कोल्हे नगरातील रहिवासी असलेल्या व व्यावसायाने अकौंटंट असलेल्या अमितकुमार रामगोपाल पांडे (वय 37 रा. कोल्हे नगर, जळगाव) यांचा जागीच मृत्यू झाला तर त्यांचे मित्र गोपाल राजूरकर (रा.जळगाव) हे जखमी झाले. हा अपघात शनिवारी सकाळी साडे नऊ वाजेच्या सुमारास उत्तर महाराष्ट विद्यापीठाजवळ घडला. पांडे हे राजूरकर यांच्या सोबत दुचाकीने एरंडोल येथे जात असताना समोरून आलेल्या भरधाव ट्रकने त्यांच्या दुचाकीला धडक दिली.