भाजपचे माजी जिल्हाध्यक्ष उदय वाघ यांचे निधन !

जळगाव: भाजपचे माजी जिल्हाध्यक्ष उदय वाघ यांचे आज सकाळी हृदयविकाराच्या तीव्र धक्क्याने निधन झाले. सकाळी त्यांना रुग्णालयात दाखल करण्यात आले होते. त्याठिकाणी त्याठिकाणी त्यांचे निधन झाले. आमदार स्मिता वाघ यांचे ते पती होते. त्यांनी भाजपचे जिल्हाध्यक्ष पद भूषविले होते. त्यांच्या जळगाव शहरातील कार्यालयावर समर्थकांची मोठ्यासंख्येने गर्दी होत आहे.

आज सकाळी १० वाजेच्या सुमारास अंघोळ करत असताना त्यांना हृदय विकाराचा झटका आला. रुग्णालयात दाखल करण्यात आले. मात्र त्यांची जीवनज्योत मालवली.

उदय वाघ यांचे जीवन परिचय

अमळनेर तालुक्यातील रणाई डांगर या छोट्याशा गावात गरीब शेतकरी कुटूंबात त्यांचा जन्म झाला. विद्यार्थी दशेपासून ते अखिल भारतीय विद्यार्थी परिषदेच्या माध्यमातून काम करत होते. भारतीय जनता पक्षाने त्यांच्यावर जिल्हाध्यक्ष पदाची जबाबदारी दिली होती. ती त्यांनी सांभाळली. त्यांच्या निधनाने सर्वत्र शोककळा पसरली आहे.