भाजपने केला सभा तहकूब करण्याचा ‘लाजीरवाणा’ विक्रम

पिंपरी-चिंचवड-पिंपरी-चिंचवड महापालिकेतील सत्ताधारी भाजपने सर्वसाधारण सभा तहकूब करण्याचा ‘लाजीरवाणा’ विक्रम केला आहे. सव्वा वर्षात तब्बल 20 वेळा महासभा तहकूब केली आहे. मे महिन्याची सभा तहकूब करण्याची तर ‘हॅटट्रीक’च केली आहे. यामुळे संतप्त झालेल्या विरोधकांनी भाजपवर जोरदार टीका केली. सत्ताधा-यांच्या अशा बेजबाबदार वर्तणुकीमुळे शहराच्या विकासाला खीळ बसत असल्याचाही आरोप राष्ट्रवादीचे नगरसेवक अजित गव्हाणे यांनी केला.

सभा तहकूब करण्याचा सपाटा

पिंपरी-चिंचवड महापालिकेतील राष्ट्रवादी कॉंग्रेसची सत्ता जाऊन फेब्रुवारी २०१७ मध्ये भाजपची एकहाती सत्ता आली. सत्तांतर झाल्यानंतर महापौर निवडण्यासाठी १४ मार्च २०१७ रोजी पहिली महासभा झाली. नियमाप्रमाणे पहिली महासभा तहकूब करण्यात आली. परंतु, त्यानंतर वारंवार सभा तहकूब करण्याचा सपाटाच सत्ताधाऱ्यांनी लावला. २० जून २०१७ ची महासभा तहकूब केली. २० सप्टेंबर २०१७ ची महासभा १६ ऑक्‍टोबर २०१७ पर्यंत तहकूब करण्यात आली. २० नोव्हेंबर २०१७ ची महासभा २८ नोव्हेंबरपर्यंत तहकूब करण्यात आली.

२० डिसेंबर २०१७ ची महासभा दोनदा तहकूब करण्यात आली. २० जानेवारी २०१८ आणि ५ फेब्रुवारी २०१८ अशी दोनवेळा तहकूब करण्यात आली होती. तर, 20 जानेवारी 2018 ची महासभा 5 फेब्रुवारी 2018 पर्यंत तहकूब केली होती. 20 फेब्रुवारी 2018 ची महासभा दोनवेळा तहकूब केली होती. अर्थसंकल्पाची सभा तर सत्ताधाऱ्यांनी तब्बल सहा वेळ तहकूब केली होती. त्यानंतर 19 मे 2018 ची महासभा पहिल्यांदा 11 जून आणि दुसऱ्यांदा 20 जूनपर्यंत आणि आता ही सभा 22 जूनपर्यंत तहकुब करण्यात आली आहे. तहकूब केली. अशाप्रकारे भाजपने 20 वेळा महासभा तहकूब केल्या आहेत. सव्वा वर्षात 188 ठराव करण्यात आले आहेत. मे महिन्याची सर्वसाधारण सभा सलग तीन वेळा कोणतेही सबळ कारण न देता तहकूब केली आहे. 19 मे 2018 ची महासभा पहिल्यांदा 11 जून आणि दुस-यांदा 20 जूनपर्यंत तहकूब केली. त्यानंत 20 जून रोजी पुन्हा 22 जूनपर्यंत तहकूब करण्यात आली आहे.

सत्ताधाऱ्यांनी महासभा तहकुबीचा पायंडा चांगला जपला आहे. आहे. किरकोळ कारणे पुढे करत वारंवार महासभा तहकूब केली जात आहे. यामुळे शहराच्या विकासाला खिळ बसत आहे. वारंवार सभा तहकूब होत असल्याने महासभेत शहरातील विकास कामांवर चर्चा होत नाही. एकापाठोपाठ एक महासभा तहकूब करून विषयांची साठवणूक करायची आणि अनेक विषय एकाच महासभेत ठेऊन विनाचर्चा मंजूर करून घ्यायचे हा महापालिकेत प्रघातच बनला आहे. अशा वेळी विषयांच्या गर्दीत अनेक वादग्रस्त प्रकरणेदेखील विनाचर्चा मंजूर होऊन जातात.

राष्ट्रवादीचे नगरसेवक अजित गव्हाणे म्हणाले, राष्ट्रवादीच्या काळात हेच विरोधक सभा तहकुबीवरून टीका करायचे. आता सत्तेत आल्यानंतर भाजपचे पदाधिकारी सभा तहकुबीचे नवे विक्रम प्रस्थापित करत आहेत. मात्र; त्यामुळे शहराच्या विकासकामांना खीळ बसत आहे. दोन महिने सर्वसाधारण सभा होत नसेल, तर शहराचा विकास खुंटणार आहे, याचे सत्ताधाऱ्यांनी भान ठेवावे.

सभा होणार शुक्रवारी!
भय्यु महाराज , काश्‍मिरमधील शहिद जवानांना श्रद्धांजली वाहून मे महिन्याची सर्वसाधारण सभा 22 जूनला दुपारी दोन वाजेपर्यंत तर जून महिन्याची मासिक सभा 22 जुनला दुपारी तीन वाजेपर्यंत तहकूब करण्यात आली आहे. त्यामुळे या दोन्ही तहकूब सभा शुक्रवारी होणार आहेत.