भाजपाच्या आ. स्मिता वाघ यांचा अर्ज अखेर बाद
जळगाव लोकसभा मतदार संघात १९ तर रावेरमध्ये १६ उमेदवारांचे अर्ज वैध
जळगाव, दि. ५- लोकसभा निवडणुकीसाठी प्राप्त झालेल्या अर्जांच्या छाननीत अखेर आज भाजपाच्या आ. स्मिता वाघ यांचा अर्ज एबी फॉर्म रद्द झाल्याने बाद ठरविण्यात आला. यासोबतच भाजपाच्या ‘डमी’ उमेदवार संपदा उन्मेष पाटील व राष्ट्रवादीचे आ. डॉ. सतीश पाटील यांचाही अर्ज बाद ठरविण्यात आला आहे. जळगाव लोकसभा मतदार संघात १९ उमेदवारांचे नामनिर्देशनपत्र वैध ठरले असून २ उमेदवारांचे नामनिर्देशपत्र अवैध ठरले आहे. तर रावेर लोकसभा मतदार संघात १६ उमेदवारांचे अर्ज वैध ठरले आहे.
लोकसभा सार्वत्रिक निवडणूकीच्या जळगाव व रावेर लोकसभा मतदार संघ निवडणूकीकरीता अर्ज दाखल केलेल्या उमेदवारांच्या अर्जांची छाननी आज जिल्हाधिकारी कार्यालयात करण्यात आली. यात जळगाव लोकसभा मतदारसंघातुन १९ उमेदवारांचे अर्ज वैध ठरविण्यात आले. त्यात आ. उन्मेश पाटील (भारतीय जनता पार्टी) राहुल बनसोडे(बहुजन समाज पार्टी), माजी मंत्री गुलाबराव देवकर (राष्ट्रवादी कॉग्रेस), मोहन बिर्‍हाडे (राष्ट्रीय समाजवादी पक्ष सेक्युलर) संत बाबा महाहंस महाराज पाटील(हिंदुस्थान निर्माण दल), ईश्वर दयाराम मोरे-बहुजन मुक्ती पार्टी, रऊफ युसुफ शेख-इंडियन युनियन मुस्लीम लीग, अंजली रत्नाकर बाविस्कर- वंचित बहुजन आघाडी, शरद गोरख भामरे (सुतार)-राष्ट्रीय जनशक्ती पार्टी (सेक्युलर), वंदना प्रभाकर पाटील-महाराष्ट्र क्रांती सेना, प्रदिप भिमराव मोतीराया-भारतीय प्रजा सुराज्य पक्ष, तर अपक्ष म्हणून सुभाष शिवलाल खैरनार, संचेती रुपेश पारसमल, अनंत प्रभाकर महाजन, गनीशाह इस्हाक शाह, ओंकार चेनसिंग जाधव, मुकेश राजेश कुरील, डॉ. सतीश भास्करराव पाटील, ललीत गौरीशंकर शर्मा यांचे अर्ज वैध ठरले आहे.
रावेर लोकसभा मतदार संघात १६ उमेदवारांचे अर्ज वैध
डॉ. उल्हास वासुदेव पाटील-इंडियन नॅशनल कॉग्रेस, खा. रक्षा निखिल खडसे-भारतीय जनता पार्टी, योगेंद्र विठ्ठल कोलते-बहुजन समाज पार्टी, अडकमोल रोहीदास रमेश-आंबेडकराईट पाटी ऑफ इंडिया, अजित नामदार तडवी-राष्ट्रीय आम जनसेवा पार्टी, नितीन प्रल्हाद कांडेलकर-वंचित बहुजन आघाडी, मधुकर सोपान पाटील-हिंदूस्थान जनता पार्टी, रोशन आरा सादीक अली-इंडियन युनियन मुस्लिम लीग, तर अपक्ष म्हणून इम्रान रऊफ खान, गौरव दामोदर सुरवाडे, तंवर विजय जगन, नजमीन शेख रमजान, रविंद्र दंगल पवार, डी. डी. वाणी (फोटोग्राफर), सुनिल पंडित पाटील, सुनिल संपत जोशी यांचे अर्ज वैध ठरले आहे.
जळगाव लोकसभा मतदार संघासाठी २१ उमेदवारांनी ३६ अर्ज दाखल केले होते. तर रावेर लोकसभा मतदार संघासाठी १६ उमेदवारांनी २६ अर्ज दाखल केले होते. जळगाव लोकसभा मतदार संघाच्या नामनिर्देशपत्रांची छाननी निवडणूक सर्वसाधारण निरिक्षक छोटे लाल पासी यांच्या उपस्थितीत व जिल्हाधिकारी तथा जळगाव लोकसभा मतदार संघाचे निवडणूक निर्णय अधिकारी डॉ. अविनाश ढाकणे यांच्या समक्ष तर रावेर लोकसभा मतदार संघाचे निवडणूक सर्वसाधारण निरिक्षक डॉ. अजितकुमार यांच्या उपस्थितीत व अपर जिल्हाधिकारी तथा रावेर लोकसभा मतदार संघाचे निवडणूक निर्णय अधिकारी गोरक्ष गाडीलकर यांच्या समक्ष करण्यात आली. यावेळी उमेदवार, उमेदवारांचे प्रतिनिधी व इतर शासकीय अधिकारी उपस्थित होते.