भाज्यांच्या भावात 20 टक्क्यांनी घट

पुणे । श्री छत्रपती शिवाजी मार्केटयार्ड येथे रविवारी भाज्यांची हंगामातील सर्वोच्च 225 ट्रक इतकी आवक झाली आहे. गेल्या आठवड्याच्या तुलनेत आवक वाढल्याने कांदा, बटाटा, लसून आणि आले वगळता सर्वच भाज्यांच्या भावात 10 ते 20 टक्क्यांनी घट झाली असल्याचे व्यापार्‍यांनी सांगितले. परराज्यातून आलेल्या मालामध्ये हिमाचल प्रदेशातून मटारची एक ट्रक, आंध्र प्रदेश आणि गुजरातमधून कोबीची 10 ते 12 ट्रक, इंदौरहून गाजर 7 ते 8 टेम्पो, आंध्रप्रदेश आणि तामिळनाडूतून 6 ते 8 टेम्पो शेवगा, गुजरात, आणि कर्नाटकातून 20 टेम्पो हिरवी मिरची इतकी आवक झाली आहे. स्थानिक मालामध्ये सातारी आले 1500 ते 1600 गोणी, पुरंदर, पारनेर, वाई आणि सातारा परिसरातून मटार 500 ते 600 गोणी, कोबीची 10 ते 12 टेम्पो, फ्लॉवरची 18 ते 20 टेम्पो, सिमला मिरचीची 14 ते 15 टेम्पो, तांबडा भोपळा 10 ते 12 टेम्पो, भुईमुग शेंग 200 पोती, पावटा 8 ते 10 टेम्पो, शेवगा 4 ते 5 टेम्पो, भेंडी आणि गवार प्रत्येकी 10 ते 15 टेम्पो, टोमॅटो साडेचार ते 5 हजार पेटी, कांदा 150 ट्रक, इंदौर, आग्रा, गुजरात आणि तळेगावहून बटाट्याची 70 ते 75 ट्रक, मध्य प्रदेश आणि गुजरातमधून लसणाची 5 ते साडेपाच हजार गोणींची आवक झाली आहे.

कोथींबीरीची आवक वाढली
कोथींबीर आणि मेथीची आवक वाढल्याने दरामध्ये काही प्रमाणात घट झाली आहे़ मार्केटयार्डात कोथींबीरीची तब्बल सव्वादोन लाख जुडी तर मेथीची 50 हजार जुड्यांची आवक झाली आहे़ तर पालेभाज्यांचीही आवक वाढल्याने दरामध्ये घसरण झाली असून भाव सामान्यांच्या आवाक्यात आले आहेत़

फळाभाज्यांचे दहा किलोचे भाव :
कांदा : 200-240, बटाटा : 60-80, लसूण : 250-500, आले सातारी : 160-200, भेंडी : 280-300, गवार : गावरान 200-250, सुरती 200-250, टोमॅटो : 250-350, दोडका : 200-250, हिरवी मिरची : 200-300, दुधी भोपळा : 80-140, चवळी : 150-200, काकडी : 60-100, कारली : हिरवी 200-250, पांढरी : 160-180, पापडी : 150-200, पडवळ : 200-250, फ्लॉवर : 100-140, कोबी : 80-100, वांगी :
250-450, डिंगरी : 150-160, नवलकोल : 120-130, ढोबळी मिरची : 150-220,
तोंडली : कळी 250-300, जाड : 100-110, शेवगा : 300-350, गाजर : 150-180, वालवर : 200-250, बीट : 140- 160, घेवडा : 150-200, कोहळा : 100-150, आर्वी: 200-250, घोसावळे : 150-160, ढेमसे : 200-250, भुईमुग शेंग :
250-350, मटार : स्थानिक : 300-360, पावटा : 200-250, तांबडा भोपळा :
60-100, सुरण : 250-300, मका कणीस : 60-100, नारळ (शेकडा) : 1000-1600.

पालेभाज्यांचे शेकड्यातील भाव :
कोथिंबीर : 200-600, मेथी : 500-1000, शेपू : 300-500, कांदापात : 800-
1200, चाकवत : 400-500, पुदिना : 300-500, अंबाडी : 400-500, मुळे :
800-1200, राजगिरा : 400-500, चुका : 500-600, चवळई : 600-800, पालक :
500-700.

मोसंबी, संत्री, लिंबे महागली
मार्केटयार्डमध्य रविवारी मोसंबी आणि संत्र्याची आवक वाढली. मागणीच्या तुलनेत आवक कमी असल्याने दरात 10 टक्क्यांनी वाढ झाली आहे. तर, मागणी घटल्याने पेरुच्या दरात 40 टक्क्यांनी घट झाली असल्याची माहिती व्यापार्‍यांनी दिली. दरम्यान, बाजारामध्ये इतर फळांची आवक मागणी इतकीच असल्याने फळांचे दर स्थिर आहेत. गेल्या रविवार इतकीच सिताफळाची आवक झाल्याने सिताफळाचे दरही कायम आहेत. फळबाजारात प्रामुख्याने अननस चार ट्रक, मोसंबीची 60 टन, संत्र्याची 3 टन, डाळिंबाची 80 ते 100 टन, पपई 15 ते 20 टेम्पोे, लिंबाची तब्बल 6 ते 7 हजार गोणी, चिक्कू 400 बॉक्स, पेरुची 250 ट्रे, कलिंगडाची 10 ते 12 टेम्पो, सफरचंद अडीच ते 3 हजार पेटी आणि खरबुजाची 7 ते 8 टेम्पो, आंबा, प्लम, नासपती आणि पिअरची दोन ते अडीच पेटी तर सिताफळाची 4 ते साडे चार टन आवक झाली असल्याचे व्यापार्‍यांनी सांगितले.

फळांचे दर पुढीलप्रमाणे : लिंबे (प्रति गोणी) : 70-120, अननस (डझन) 70-270, मोसंबी : (3 डझन) : 120-220, (4 डझन) : 40-100, संत्रा : (3 डझन) 180-350, (4 डझन) : 100-160, डाळिंब (प्रति किलोस) : भगवा : 20-70, गणेश 10-30, आरक्ता 10-40, कलिंगड : 10-20, खरबुज : 10-30, पपई : 5-20, चिक्कू : 100-400, पेरू (20 किलो) : 400-500, सीताफळ : 20-150. सफरचंद : सिमला (22 ते 25 किलो) : 2000-3000, गोल्डन (20 ते 25 किलो) 1200-1800, प्लम (5 किलो) : 500-700, नासपती (15 किलो) : 600-800, चौसा आंबा (6 ते 7 किलो) : 800-1100, लंगडा (6 ते 7 किलो) 800-1100, पिअर (15 किलो) : 700-1100.

फुलांचे भाव घसरले
लिलिबंडल आणि जर्बेरा वगळता उर्वरित फुलांना बाजारात फारशी मागणी नाही. मात्र, श्रावण महिना सुरू असल्यामुळे बाजारात फुलांची मोठी आवक होत आहे. त्यामुळे ऑस्टर, जुई आणि झेंडूच्या भावात सुमारे 30 ते 40 टक्क्यांनी घट झाली असल्याची माहिती व्यापारी सागर भोसले यांनी दिली आहे. मागणी असल्यामुळे लिलीबंडल आणि जर्बेराच्या भावात मात्र 10 ते 20 टक्क्यांनी वाढ झाली आहे. उर्वरित फुलांचे भाव गेल्या आठवड्याच्या तुलनेत स्थिर असल्याचेही भोसले यांनी सांगितले. जिल्ह्यात पावसाने विश्रांती घेतल्याने चांगल्या दर्जाचा माल बाजारात दाखल होत आहे. श्रावणातही सर्व प्रकारच्या फुलांना अपेक्षित मागणी नसल्याने शेतकारी मात्र नाराज आहे.

फुलांचे प्रति किलोचे भाव पुढीलप्रमाणे :

झेंडू : 10-40, गुलछडी : 100-150, बिजली : 120-150, कापरी : 40-80, शेवंती : 100-200, ऑस्टर : 20-40, गुलाबगड्डी (गड्डीचे भाव) : 10-30, गुलछडी काडी : 15-30, डच गुलाब (20 नग) : 30-70, लिलि बंडल : 15-25, अबोली लड : 200-300, जर्बेरा : 20-60, कार्नेशियन : 100-160, जुई ः 250-350.

चिकनचे दर घसरले
गणेश पेठेतील मासळी बाजारात पश्चिम किनारपट्टीवरून मासळीची आवक सुरू झाली आहे. मात्र, श्रावण महिना सुरू असल्यामुळे मासळीला घटलेली मागणी कायम आहे. दरम्यान, मागणीच्या तुलनेत आवक जास्त असल्याने वाम, बोंबिल, रहू आणि कतलाच्या दरात कमालीची घट झाली. तर, इतर मासळींचे दर स्थिर असल्याची माहिती व्यापारी ठाकुर परदेशी यांनी दिली. चिकनच्या दरात प्रतिकिलोमागे 10 रुपयांनी घट झाली असून इंग्लिश अंड्याच्या दरात प्रतिडझनामागे तब्बल 33 रुपयांनी वाढ झाली आहे. रविवारी गणेश पेठेतील घाऊक बाजारात खोल समुद्रातील मासळीची सुमारे 3 ते 4 टन, खाडीच्या मासळीची सुमारे 200 किलो आणि नदीतील मासळीची सुमारे 400 किलो इतकी आवक झाली. तर आंध्रप्रदेशातील रहु, कतला, सीलन या मासळींची सुमारे 4-5 टन आवक झाली असल्याचे त्यांनी सांगितले.

मासळीचे दर पुढीलप्रमाणे (प्रतिकिलो) : 
पापलेट : कापरी : 1300, मोठे : 900, मध्यम : 700, लहान :600, भिला : 450, हलवा : 400-550, सुरमई : 400-500, रावस लहान : 550, मोठा : 650, घोळ : 480, करली : 240, करंदी (सोललेली) : 240, भिंग : 280, पाला : 900-1400, वाम :200-480, ओले बोंबील : 60-120. कोळंबी : लहान : 120-240, मोठी : 360-440, जंबोप्रॉन्स : 1400, किंगप्रॉन्स : 650, लॉबस्टर : 1400, मोरी : 160-240, मांदेली : 100, राणीमासा : 200, खेकडे : 200, चिंबोर्‍या : 440.
खाडीची मासळी :सौंदाळे : 200, खापी : 200, नगली : 160-520, तांबोशी : 440, पालू :  200, लेपा : 120-240, शेवटे : 180, बांगडा : 100-180, पेडवी : 60, बेळुंजी : 100, तिसर्‍या : 160, खुबे : 120, तारली : 120.
नदीची मासळी : रहू : 120, कतला : 160, मरळ : 320, शिवडा : 160, चिलापी : 40-60, मांगूर : 120, खवली : 160-180, आम्ळी : 60-80, खेकडे : 160, वाम : 360-400.
मटण : बोकडाचे : 440, बोल्हाईचे : 440, खिमा : 440, कलेजी : 480.
चिकन : चिकन : 120, लेगपीस : 150, जिवंत कोंबडी : 100, बोनलेस : 220.
अंडी : गावरान : शेकडा : 550, डझन : 72 प्रति नग : 6. इंग्लिश : शेकडा : 375 डझन : 54 प्रतिनग : 4.50.