भीमा कोरेगाव प्रकरण; खा. शरद पवार यांना हजर राहण्याचे आदेश

मुंबई: २०१८ साली झालेल्या पुण्यातील भीमा कोरेगाव दंगल प्रकरणी राष्ट्रवादी कॉंग्रेस पक्ष प्रमुख खा. शरद पवार यांना आयोगासमोर हजर राहण्याचे आदेश देण्यात आले आहेत. ४ एप्रिल रोजी रोजी ही सुनावणी होणार असून हजर रहावे असे आदेश पारित करण्यात आले आहेत. खा. शरद पवार या प्रकरणी वक्तव्य केले होते, याबद्दल त्यांना हजर राहण्याचे आदेश देण्यात आले आहेत.

कोरेगाव भीमा प्रकरणाची चौकशी करत असलेल्या आयोगाचे अध्यक्ष न्यायमूर्ती जे. एन. पटेल यांनी याआधी शरद पवारांची साक्ष नोंदवली जाणार असल्याचं सांगितलं होतं. शरद पवार यांनी एल्गार परिषद प्रकरणाची चौकशी करण्याची मागणी केली होती. त्यात त्यांनी कोरेगाव भीमाबद्दल काही माहिती दिली होती. त्यानंतर पवारांची साक्ष नोंदवण्याची मागणी आयोगाकडे करण्यात आली होती.

अ‍ॅड. प्रदीप गावडे यांनी कोरेगाव भीमा प्रकरणी राष्ट्रवादीचे अध्यक्ष शरद पवार यांची तात्काळ साक्ष घेण्यात यावी, अशी मागणी आयोगाकडे केली होती. तसा अर्ज त्यांनी चौकशी आयोगाकडे केला होता. त्यानंतर आयोगाने शरद पवारांना चौकशीसाठी बोलवण्याचा निर्णय घेतला होता.