भुशी धरणात तरुण बुडाला- शोधकार्य सुरू

लोणावळा : लोणावळा फिरायला आलेल्या युवकाचा भुशी धरणात बुडालयाची घटना घडली आहे. ही घटना काल गुरुवारी दुपारी 3 च्या सुनारास घडली आहे. सुरेंद्र तुकाराम कदम (वय 24,ठाणे) अस बुडालेल्या तरुणाचं नाव आहे. सुरेंद्र तुकाराम कदम (वय 24, रा. दिवा, जि. ठाणे) असे मृत्यू झालेल्या तरुणाचे नाव आहे.

शिवदुर्ग रेस्क्यू टीमचे सदस्य सुनील गायकवाड यांनी दिलेल्या माहितीनुसार, सुरेंद्र त्याचा भाऊ आणि अन्य पाच मित्रांसह लोणावळा येथील भुशी धरणावर काल (गुरुवारी) फिरण्यासाठी आले. दुपारी तीनच्या सुमारास सर्वजण धरणात पोहण्यासाठी उतरले. धरणातील पाणी कमी झाल्याने सर्वजण खोलगट भागात पोहण्यासाठी गेले. तेथे पाण्याचा अमदाज न आल्याने सुरेंद्र पाण्यात बुडाला. त्यानंतर सुरेंद्र ला स्थानिक नागरिक आणि शिवदुर्ग रेस्क्यू टीम च्या जवानांनी शोध सुरू केला. आज सकाळ पासून पुन्हा शोधकार्य सुरू केले असून सुरेंद्र चा शोध सुरू आहे.

सुरेंद्र आणि त्याच्या भाऊ यांनी आपल्या ठाणे आणि अंबरनाथ येथील मित्रांसोबत पावसाची मजा घेण्यासाठी फिरायला जाण्याच्या प्लॅन बनवला होता. त्यानुसार ते लोणावळा येथील भुशी धरणात पावसाचा आनंद घ्यायला आले होते. काल सर्वजण पावसाची प्रतीक्षा करून पोहण्यासाठी पाण्यात उतरले. त्यावेळी ही घटना घडली. त्यानंतर पाऊस आला, मात्र त्या पावसाचा आनंद घ्यायला सुरेंद्र राहिला नाही.

शिवदुर्ग टीमला याबाबत माहिती मिळताच टीमचे सदस्य साहेबराव चव्हाण, राजु पवार, राजेश तेले, आनंद गावडे, सागर कुंभार, अजय शेलार, प्रणय अंभोरे, प्रविण देशमुख, वैष्णवी भांगरे, अभीजीत बोरकर, राहुल देशमुख, विकास मावकर, अनिल आंद्रे, राजु पाटील, अनिकेत आंबेकर, दिनेश पवार, अतुल लाड, मधूर मुंगसे, प्रविण ढोकळे, अशोक उंबरे, अमोल परचंड, सागर पडवळ, निकीत तेलंगे, रोहीत वर्तक, सुनिल गायकवाड आदी घटनास्थळी तात्काळ दाखल झाले. काल दुपारपासून सुरेंद्रचा शोध घेणे सुरु आहे. मात्र अद्याप टीमला यश आले नाही.