भुसावळातील रेल्वे दवाखान्यात हृदयविकाराने एकाचा मृत्यू

भुसावळ- रेल्वे दवाखान्यात उपचार घेत असलेल्या एकाचा हृदयविकाराचा झटका आल्याने मृत्यू झाला. 23 रोजी दुपारी 12.15 वाजता ही घटना रेल्वे दवाखान्यात घडली. मो.शरीफ मो.सिद्दीकी (59, द्वारकानगर, भुसावळ) असे मयत इसमाचे नाव आहे. सिद्दीकी यांना चक्कर आल्यानंतर रेल्वे रुग्णालयात हलवण्यात आले मात्र तेथे उपचार सुरू असताना त्यांना हृदयविकाराचा तीव्र झटका आला व ते मृत झाले. या प्रकरणी शहर पोलिसात मो.शाहीद मो.शरीफ यांनी खबर दिल्यावरून अकस्मात मृत्यूची नोंद करण्यात आली. तपास हवालदार मो.वली सैय्यद करीत आहेत.