भुसावळात अज्ञात वाहनाच्या धडकेत स्वायकलस्वाराचा मृत्यू

अपघातानंतर वाहन चालक पसार ; सिंधी कॉलनीत शोककळा

भुसावळ- भरधाव अज्ञात वाहनाने उडवल्याने सायकलस्वाराचा जागीच मृत्यू झाल्याची घटना शहरातील नाहाटा चौफुलीवर बुधवारी रात्री 11.30 वाजेच्या सुमारास घडली. अपघानंतर वाहनचालक पसार झाला. या अपघातात भागचंद शामलाल वाधवानी (55, सिंधी कॉलनी, भुसावळ) यांचा मृत्यू झाला.

कामावरून परतताना अपघात
खाजगी काम करणारे भागचंद वाधवानी हे नाहाटा चौफुलीकडून सिंधी कॉलनीत घराकडे येत असताना बुधवारी रात्री 11.30 वाजेच्या सुमारास अज्ञात वाहनाला त्यांना जोरदार धडक दिली. धडकेमुळे वाधवानी यांचे डोकके अवजड वाहनाखाली आल्याने त्यांचा जागीच मृत्यू ओढवला तर सायकलीचे नुकसान झाले. अपघातानंतर वाहन चालक पसार झाले. अपघाताची माहिती मिळताच बाजारपेठ पोलिसांनी धाव घेत मृतदेह शवविच्छेदनासाठी जळगाव सामान्य रुग्णालयात हलवला. या प्रकरणी बाजारपेठ पोलिसात हिरालाल शामलाल वाधवानी (रा.सिंधी कॉलनी, भुसावळ) यांनी दिलेल्या फिर्यादीनुसार अज्ञात वाहनचालकाविरुद्ध गुन्हा दाखल करण्यात आला. तपास पोलीस उपनिरीक्षक मनोज ठाकरे करत आहेत. दरम्यान, मृत वाधवानी यांच्या पश्‍चात पत्नी, दोन मुली, मुलगी, चार भाऊ असा परीवार आहे. अत्यंत प्रतिकुल परीस्थितीत जीवन जगत असलेल्या वाधवानी यांच्या मृत्यूनंतर शहरातील सिंधी कॉलनीत शोककळा पसरली.