भुसावळात धूम स्टाईल विवाहितेचे मंगळसूत्र लांबवले

भुसावळ- शहरातील सोमाणी गार्डन परीसरात धूम स्टाईल येत विवाहितेच्या गळ्यातील मंगळसूत्र लांबवण्यात आल्याने महिलावर्गात भीती पसरली आहे. शनिवारी सायंकाळी 7.30 वाजेच्या सुमारास ही घटना घडली. पांढरा, निळा व काळ्या रंगाचा शर्ट, कुरळे केस असलेल्या दोन चोरट्यांनी विना क्रमांकाच्या लाल दुचाकीवरून येत महिलेच्या गळ्यातील मंगळसूत्र लांबवले. महिलेने आरडाओरड केल्यानंतर नागरीक जमा झाले मात्र तोपर्यंत चोरटे पसार झाले. शहर पोलिसात याबाबत मात्र नोंद नसल्याचे पोलिस सूत्रांनी सांगितले.