भुसावळात मद्यधूंद दबंग पोलिसांचा निलंबनाचा प्रस्ताव रवाना

जिल्हा पोलिस अधीक्षक पंजाबराव उगलेंच्या निर्णयाकडे लागले लक्ष

भुसावळ- मद्यधूंद अवस्थेत बाजारपेठ पोलिस ठाण्यातील कर्मचारी योगेश माळी व शशी तायडे यांनी जीम चालक तथा तक्रारदार जुबेरखान नईम खान पठाण (33, ग्रीन पार्क, भुसावळ) यांना मारहाण केल्याची घटना 7 रोजी रात्री 12.15 वाजेच्या सुमारास रेल्वे स्थानकाबाहेर घडली होती. आरोपी पोलिसांविरुद्ध बाजारपेठ पोलिसांनी गुन्हा दाखल करून त्यांना अटकही केली होती तर त्यांची जामिनावरही सुटका करण्यात आली होती. सर्वसामान्य नागरीकांवर पोलिसांनी दडपशाही सुरू केल्याने पोलिस दलावर टिकेची झोड उठली होती तर मारहाणीचा व्हिडिओदेखील सोशल मिडीयावर व्हायरल झाल्याची पोलिस निरीक्षक देविदास पवार यांनी गांभीर्याने दखल घेत दोघाही पोलिसांच्या निलंबनाचा प्रस्ताव रविवारी सायंकाळीच जिल्हा पोलिस अधीक्षक डॉ.पंजाबराव उगले यांच्याकडे रवाना केला होता. दरम्यान, जिल्हा पोलिस अधीक्षक याबाबत आता काय निर्णय घेतात? याकडे पोलिस दलासह सर्वसामान्य नागरीकांचे लक्ष लागले आहे. निलंबन प्रस्ताव रविवारीच रवाना झाल्याच्या वृत्ताला डीवायएसपी गजानन राठोड यांनी दुजोरा दिला.