भुसावळ किरकोळ कारणावरून दोघा भावांवर हल्ला
भुसावळ- शहरातील मरी माता मंदिराजवळ किरकोळ कारणावरून एकाने दोन्ही भावांच्या डोक्यात धारदार शस्त्र मारल्याची घटना रविवारी रात्री 11 वाजेच्या सुमारास घडली. जखमींवर पालिका रुग्णालयात उपचार करण्यात आले. मरी माता मंदिराजवळ रविवारी रात्री 11 वाजेच्या सुमारास विक्की सोमनाथ चाले आणि दीपक सोमनाथ चाले हे दोन्ही भाऊ उभे असताना किरकोळ कारणावरून मद्यसेवन करून जात असलेल्या एकाने दोन्ही भावांच्या डोक्यात धारदार सशस्त्र मारले. यात विकी आणि दीपक जखमी झाले. त्यांना तातडीने नगरसेवक मुकेश पाटील आणि त्यांच्या सहकार्‍यांनी पालिका दवाखान्यात उपचारासाठी दाखल केले. या घटनेनंतर शहर पोलिस ठाण्याचे निरीक्षक बाबासाहेब ठोंबे, पोलिस उपनिरीक्षक नाना सूर्यवंशी, संजय पाटील, इब्राहिम खाटीक व चंद्रशेखर गाडगीळ यांनी घटनास्थळी जाऊन तसेच पालिका दवाखान्यात जाऊन जखमींची चौकशी केली.