भुसावळ-पुणे हुतात्मा एक्स्प्रेस नऊ दिवस दौंड मार्गे धावणार

भुसावळ- अप-डाऊन भुसावळ-पुणे हुतात्मा एक्स्प्रेस 26 फेब्रुवारी ते 6 मार्चदरम्यान दौंडमार्गे धावणार आहे. अप रेल्वे लाईनवरील मंकी हिल व कर्जत दरम्यानच्या दक्षिण-पूर्व घाटावर इन्फ्रास्ट्रक्चर कामासाठी हा निर्णय घेण्यात आला आहे. अप 11025 भुसावळ-पुणे एक्स्प्रेस तसेच डाऊन पुणे-भुसावळ 26 फेब्रुवारी ते 6 मार्चदरम्यान दरम्यान दौंडमार्गे धावणार आहेत. रेल्वे प्रवाशांनी या बदलाची नोंद घ्यावी, असे आवाहन रेल्वे प्रशासनाने केले आहे.