भूमी आणि द्वीप समूहांना सेवा देणाऱ्या ‘जीसॅट-31’चे यशस्वी लाँचिंग !
नवी दिल्ली- इस्रोने उपग्रहांचे प्रक्षेपण करणाऱ्या युरोपीय कंपनी एरियनस्पेसबरोबर मिळून नवा ‘जीसॅट-31’ हा उपग्रह लाँच केला आहे. आज बुधवारी पहाटे २.३० वाजता फ्रेंच गुएनातून हा उपग्रह लाँच करण्यात आला आहे. जीसॅट- 31चे वजन २५३५ किलोग्रॅम आहे. या उपग्रहाच्या माध्यमातून भूमी आणि द्वीप समूहांना सेवा प्रदान करण्यात येणार आहे.
जीसॅट-31 हा देशाचा ४० वा संचार उपग्रह आहे. यशस्वी प्रक्षेपणानंतर हा ग्रह १५ वर्षं सेवा देणार आहे. हा टीव्ही अपलिंक, डिजिटल सेटलाइट न्यूज एकत्रीकरण, डीटीएच टीव्हीसारख्या सेवा पुरवणार आहे. हा उपग्रह क्यू बॅन्ड ट्रांसपॉन्डर्सची क्षमता वाढवणार आहे. अवकाशातल्या कक्षेच्या आतील भागातील इतर उपग्रहांचं संचालन संबंधी सेवांना कार्यान्वित ठेवण्यासाठी हा उपग्रह मदत करणार आहे.
जिओस्टेशनरी कक्षेत केयू बँड ट्रान्सपोंडरची क्षमताही वाढवणार आहे. या उपग्रहाला इस्रो परिष्कृत I-2K बेसमध्ये स्थापित करणार आहे. हा उपग्रह इस्रोच्या इनसॅट/जीसॅट उपग्रह श्रेणीच्या उपग्रहांना उन्नत करणार आहेत. उपग्रह भारतीय भू-भाग आणि द्वीप समूहाला सेवा पुरविणार आहे.