मंत्रिमंडळ बैठक: अंगणवाडी कर्मचाऱ्यांचे सेवासामाप्तीचे वय ६० वरून ६५ करण्याचा निर्णय
मुंबई-मुख्यमंत्री देवेंद्र फडणवीस यांच्या मंत्रीमंडळाची आज बैठक पार पडली. यात अनेक महत्वपूर्ण निर्णय घेण्यात आले. काम करण्यास सक्षम असणाऱ्या अंगणवाडी सेविका, मिनी अंगणवाडी सेविका आणि मदतनीस यांचे सेवासमाप्तीचे वय 60 वरून 65 वर्षे करण्याचा महत्त्वाचा निर्णय या बैठकीत घेण्यात आला आहे.
मदत व पुनर्वसन विभागाच्या नावात आपत्ती व्यवस्थापनाचा समावेश करण्याचा निर्णय देखील यावेळी घेण्यात आला. पुण्याच्या गुंजवणी प्रकल्पासाठी (ता. वेल्हे) देण्यात आलेल्या द्वितीय सुधारित प्रशासकीय मान्यतेत सुधारणा करण्यात आली.
२०२२ पर्यंत गायरान जमीनचा विकास
मंत्रिमंडळ बैठकीत सर्वांसाठी घरे-2022 या धोरणाची प्रभावी अंमलबजावणी करण्याचा निर्धार करण्यात आला आहे. या धोरणांतर्गत पात्र लाभधारकांना नागरी स्थानिक स्वराज्य संस्थांची जमीन उपलब्ध होण्यासाठी संबंधित अधिनियमात सुधारणा करण्यासह शासकीय तसेच गायरान जमिनी तातडीने देण्यासाठी धोरणात्मक निर्णय घेण्यात आला आहे.