मंत्रिमंडळ बैठक: बाळासाहेब ठाकरे यांच्या स्मारकासाठी १०० कोटींचा निधी मंजूर

मुंबई-शिवसेनाप्रमुख दिवंगत स्व. बाळासाहेब ठाकरे यांच्या जयंतीच्या एक दिवस अगोदर आज मंगळवारी २२ रोजी झालेल्या मंत्रिमंडळ बैठकीत बाळासाहेब ठाकरे यांच्या राष्ट्रीय स्मारकासाठी १०० कोटींचा निधी एमएमआरडीएमार्फत उपलब्ध करण्यास मंजुरी देण्यात आली आहे.

आज झालेले इतर निर्णय
दिव्यांग व्यक्तींच्या स्वावलंबनासाठी हरित उर्जेवर चालणाऱ्या पर्यावरणस्नेही फिरत्या वाहनावरील दुकान (मोबाईल शॉप ऑन व्हेईकल) मोफत उपलब्ध करण्याचा निर्णय झाला आहे. मुंबई शहरातील सार्वजनिक ठिकाणी महिलांच्या सुरक्षेसाठी केंद्र शासन पुरस्कृत महिला सुरक्षितता पुढाकार योजना राबविण्यास मान्यता देण्यात आली आहे.