मत्स्यालयाच्या प्रवेश शुल्कवाढीला स्थायीची मंजुरी

पुणे । जंगली महाराज रस्त्यावरील महापालिकेच्या छत्रपती संभाजीराजे उघानामधील मत्सालयाच्या प्रवेशासाठी प्रोंढास दोन रुपये आणि लहान मुलांला एक रुपया शुल्क आकारले जात आहे. त्यामुळे मत्सालयाचा वाढीव विस्तार पाहता प्रवेश शुल्कात वाढ करुन ते प्रोंढास 20 रुपये आणि लहानास 10 रुपये करण्याच्या प्रस्तावाला आज झालेल्या स्थायी समिती समितीच्या बैठकीत मंजुरीची देण्यात अली.

पालिका आयुक्त कुणाल कुमार यांनी मत्सालयाच्या प्रवेशा शुक्लक वाढीचा हा प्रस्ताव ठेवला होता . पुणे महापालिकेचे स्वताचे गोडया पाण्यातील शोभिवंत माशांचे मत्सालय 1 ऑगस्ट 1953 पासुन कार्यरत आहे. या मत्सालयाची जागतिक मत्सालयात 1970 साली नोंदणी करण्यात आली आहे. हे मत्सालय सुरु करताना 45 लोंखडी टाक्या होत्या. या टाक्यामध्ये शोभिवंत मासे प्रदर्शीत करण्यासाठी ठेवण्यात आले होते. त्यानुसार नागरिकाकडुन प्रवेश शुल्क प्रोंढास 1 रुपये, लहान मुलसाठी 0.50 पैसे आकारण्यात येत होते. 1 जानेवारी 1994 ते 18 मे 1994 या कालावधीत हे मत्सालय बंद ठेवुन त्यांचे नुतनीकरण करण्यात आले होते. त्यात लोंखंडी साचा काढुन सिमेंटच्या टाक्या बनवुन पढील भागात काच बसविण्यात आली होती. त्यानंतर पौंढांना 2 रुपये आणि लहान मुलांना 1 रुपये शुल्क आकारण्यात येउ लागले. या मत्सालयाचे 2004 दुसर्‍यादा नुतनीकरण करण्यात आले.

छत्रपती संभाजीराजे उघानामध्ये हे मत्सालय असल्याने सर्व थरांतील नागरिकांचा प्रतिसाद मिळत आहे.शालेय सहली आणि अभ्यास यांना शास्त्रीय पध्दतीने मत्संगोपणाबाबत माहिती देण्यात येते. मत्सालयासाठी जागा अपुरी होत असल्याने त्यांच्या विस्तारीकरणाची गरज भासु लागली आहे. नागरिकांनीही मोठया आकारातील मत्सालयाची आणि आणखी विविध प्रकारचे मासे पाहण्याची संधी उपलब्ध करुन देण्याबाबत तोंडी विनंती केली होती. त्यानुसार खात्याने मत्यालयांच्या मागील बाजुस आणि पोर्चमध्ये मोठया आकाराचे अध्यावत वैविध्यपुर्ण मत्सालय विस्तारीत केले आहे. या मत्सालयाचे लवकरच लोकापर्ण नियोजले असुन सर्व तयारी अंतिम टप्पात आहे. सध्याचे प्रचलित दर प्रोंढास 2 रुपये आणि लहान मुलांला एक रुपया हे फारच कमी आहेत.