मनपा कर्मचार्‍याची आत्महत्या अधिकार्‍यांवर गुन्हे दाखल
सोलापूर । सोलापूर महापालिकेच्या आरोग्य विभागाचे कर्मचारी संजय व्हटकर याने रेल्वेखाली उडी मारून आत्महत्या केली. आत्महत्या केल्यानंतर व्हटकर यांनी लिहलेल्या सुसाईड नोटमध्ये लिहिले आहे की, सुसाईट नोटमध्ये सोलापूर महापालिकेच्या सहाय्यक आयुक्त अभिजीत हराळे, सफाई अधीक्षक ए.के आराध्ये आणि निवृत्त अधीक्षक राजू सावंत यांचा उल्लेख आहे. या सुसाईट नोटच्या आधारे पोलिसांनी तिघांवर गुन्हा दाखल केले आहे.
भ्रष्टाचार झाल्यांचा संशय
कचरा संकलन ठेका देण्याच्या प्रक्रियेत भ्रष्टाचार झाल्याचा संशय व्हटकर यांना होता. यामुळेच कोणत्याही प्रकरणात फाईलवर सही करताना ते सारासार विचार करायचे. त्यांचा हा सरळ स्वभाव वरिष्ठांच्या आड येत होता. सांगेल तिथे सही करावी असा वरिष्ठ अधिकार्‍यांचा आग्रह होता. व्हटकर यांच्याकडून कसलीच मदत होत नसल्याने वरिष्ठ अधिकार्‍यांनी त्यांना मानसिक त्रास द्यायला सुरुवात केली.
विवंचनेतून आत्महत्या
सोलापूर शहरातील कचरा संकलनाचा ठेका खाजगी कंपनीला देण्यात आला आहे. हा ठेका देण्याला महानगरपालिका कर्मचारी संघटनेने तीव्र विरोध केला होता. आंदोलने केली होती. कामगार आणि कर्मचार्‍यांचा विरोध झुगारुन कचरा संकलन खाजगी कंपनीला देण्यात आले. त्यातील मनमानी कारभाराला मदत करण्याचा दबाव व्हटकर यांच्यावर होता. याच विवंचनेतून त्यांनी आपली जीवनयात्रा संपवली.