ममता बनर्जी लोकशाहीची हत्या करीत आहे-अमित शहा

कोलकाता-भाजपला पश्चिम बंगालमध्ये रथ यात्रे करण्याची परवानगी नाकारण्यात आली आहे. याच मुद्द्यावरून भाजपाचे राष्ट्रीय अध्यक्ष अमित शाह यांनी मुख्यमंत्री ममता बॅनर्जी यांच्यावर निशाना साधत आरोप केले आहे. पश्चिम बंगालमध्ये ममता बॅनर्जी लोकशाहीची हत्या करत आहे. त्या भाजपाला घाबरल्या आहेत असे आरोप अमित शाह यांनी केले आहे. कोलकाता उच्च न्यायालयाने कूचबिहारमधून रथयात्रा काढायला भाजपाला परवानगी नाकारली आहे.

भाजपला पश्चिम बंगालमध्ये रथयात्रा घेण्यास कोर्टाकडून मनाई !

राज्य सरकारने न्यायालयात भाजपाच्या रथयात्रेला विरोध केला. न्यायालयाने सरकारचा युक्तीवाद मान्य करत भाजपाला परवानगी नाकारली. न्यायालयाच्या या निर्णयानंतर अमित शाह यांनी आज पत्रकार परिषद घेतली. पश्चिम बंगालमध्ये आम्ही नक्कीच रथ यात्रा काढू. कोणी आम्हाला रोखू शकत नाही असे अमित शाह म्हणाले.

रथ यात्रेच्या निमित्ताने पुढच्या दीड महिन्यात राज्यातील सर्व २९४ विधानसभा मतदारसंघात पोहोचण्याचा भाजपाचा उद्देश होता. पुढच्यावर्षी होणाऱ्या लोकसभा निवडणुकीपर्यंत राज्यात सर्वदूर पोहोचण्याचे भाजपाचा उद्देश आहे.