महापौर अर्ध मॅरेथॉन चषक स्पर्धा रविवारी

पिंपरी-चिंचवड : महापालिकेच्या वतीने रविवारी (दि.26) नोव्हेंबरला माजी महापौर कै. सादबा उर्फ आप्पासाहेब काटे महापौर चषक अर्ध मॅरेथॉन स्पर्धेचे आयोजन करण्यात आले आहे. सकाळी सात वाजता स्पर्धेला सुरुवात होणार आहे.

चर्‍होली गाव, मोशी फाटा देहू-आळंदी रोड डुडुळगाव मार्गे चिखली-कुदळवाडी स्पाईन रोड, वैष्णव माता चौक, संत ज्ञानेश्‍वर क्रीडा संकुल, इंद्रायणीनगर अशी ही स्पर्धा होईल. पुरूष गटातील 21 किमीमध्ये च-होली गाव ते संत ज्ञानेश्‍वर क्रीडा संकुल इंद्रायणीनगर येथे तर महिला गट 10 किलोमीटरमधील चर्‍होली गाव ते संत प्रियदर्शनी स्कूल मोशी चिखली रोडपर्यंत स्पर्धा आहे. 18 वर्षे मुले शालेय गट सहा किमीमधील संत ज्ञानेश्‍वर क्रीडा संकुलापर्यंत आहे. 16 वर्षे मुले व मुली शालेय गट चार किलोमीटर मधील व 18 वर्षे मुली शालेय गट सहा किलोमीटर मधील संत ज्ञानेश्‍वर क्रीडा संकुल येथे आहे. तसेच 14 वर्षे मुले व मुली शालेय गटातील 3 किमी ज्ञानेश्‍वर क्रीडा संकुल येथे आहे.