महाविद्यालयातून बेपत्ता झालेल्या अल्पवयीन युवती पुण्यात तरुणांसोबत आढळल्या

Finally found ‘those’ missing minor sisters in Jalgaon district: three youths are also in custody जळगाव : जळगावातील एका महाविद्यालयात आलेल्या दोन अल्पवयीन युवती असलेल्या बहिणी अचानक बेपत्ता झाल्याने खळबळ उडाली होती. पोलिसांनी या युवतींचा शोध लावला असून पुण्यातून त्यांना 2 तरुणांसह ताब्यात घेतल्याची माहिती आहे. अल्पवयीन मुलीच्या पालकांनी मंगळवार, 6 रोजी मंगळवारी जिल्हापेठ पोलिसात हरवल्याची तक्रार केली होती. जिल्हापेठ पोलिसांनी तीन दिवसात आपली तपासचक्रे फिरवली.

महाविद्यालयात येताच बेपत्ता झाल्याची अल्पवयीन युवती
दोन्ही बहिणी जळगावला काही कामानिमित्त आल्या असता त्या एसएनडीटी महाविद्यालयात गेल्या. तेथून त्या घरी परतल्या नाही. त्यामुळे पालकांनी जिल्हा पेठ पोलीस स्टेशनला धाव घेत तक्रार दिली होती.पोलिसांनी तीन दिवस अथक तपास करून त्यांचा माग काढला. यासाठी सीसीटीव्ही फुटेजची देखील मदत घेण्यात आली. तंत्रज्ञानाचा वापर करून मुलींचा शोध घेण्यात आला. अखेर दोन्ही मुली पुण्यामध्ये आढळल्या असून त्यांच्यासोबत तीन संशयीत तरुणांनादेखील पोलिसांनी ताब्यात घेतले आहे.

या तरुणांना घेतले ताब्यात
वैद्यकीय तपासणी करून यातील मोठ्या बहिणीला शासकीय आशादीप महिला वस्तीगृहात तर लहान बहिणीला बालसुधारगृहात दाखल करण्यात आले. याप्रकरणी पोलिसांनी संशयित जयेश देविदास सोनवणे (19), हितेश रामसिंग शिरसाठ (20), विवेक सुनील नन्नवरे (21, सर्व रा.बांभोरी) यांना अटक केली. तपास सहाय्यक निरीक्षक आर.डी.पवार करीत आहेत. दरम्यान, प्रेम प्रकरणातून ही घटना घडली असल्याची माहिती पोलिसांनी दिली आहे.