मागणी घटल्याने वांगी, शेवगा, पावट्याचे दर घसरले

पुणे । गेल्या आठवड्याच्या तुलनेत रविवारी गुलटेकडी येथील छत्रपती शिवाजी मार्केटयार्ड फळभाज्यांची आवक स्थिर आहे. तरीही मागणी नसल्यामुळे वांगी, सिमला मिरची, शेवगा आणि पावटाच्या भावात सुमारे 10 ते 20 टक्क्यांनी घट झाली आहे. तर आवक घटल्याने हिरवी मिरचीच्या भावात मात्र वाढ झाली आहे. उर्वरित सर्व फळभाज्यांचे भाव मागील आठवड्याच्या तुलनेत स्थिर असल्याची माहिती व्यापारी विलास भुजबळ यांनी दिली. गुलटेकडी येथील श्री छत्रपती शिवाजी मार्केटयार्डातील तरकारी विभागात रविवारी 150 ते 160 ट्रक इतकी भाज्यांची आवक झाली. त्यामध्ये परराज्यांतून जयपूर येथून 9 ते 10 ट्रक मटार, आंध्र प्रदेश आणि तामिळनाडू येथून 5 ते 6 टेम्पो शेवगा, कर्नाटक आणि गुजरात येथून 14 ते 15 टेम्पो हिरवी मिरची, गुजरात आणि कर्नाटक येथून 4 ट्रक कोबी, राजस्थान येथून 7 ते 8 ट्रक गाजर, बंगलोर येथून 3 ते 4 ट्रक आवक झाली.

स्थानिक भागातून सातारी आल्याची 1000 ते 1200 पोती, टॉमेटोची साडेपाच ते 6 हजार पेटी, फ्लॉवरची 14 ते 15 टेम्पो, कोबीची 18 ते 20 टेम्पो, सिमला मिरचीची 10 ते 12 टेम्पो, तांबडा भोपळ्याची 10 ते 12 टम्पो, मटारची 30 ते 40 गोणी, भेंडीची 5 ते 6 टेम्पो, गवार 3 ते 4 टेम्पो, पावटा 5 ते 6 टेम्पो, हिरवी मिरची 4 ते 5 टेम्पो, कांद्याची 250 ट्रक, आग्रा, इंदौर, नाशिक आणि तळेगाव भागातून बटाट्याची 40 ते 45 ट्रक आवक झाली. मध्यप्रदेश आणि गुजरात येथून लसणाची साडेतीन ते 4 हजार गोणीची आवक झाली.

फळभाज्यांचे दहा किलोचे भाव
कांदा : 130-170, बटाटा : 60-110, लसूण : 150-350, आले सातारी : 220-280, बंगलोर : 280, भेंडी : 200-250, गवार : गावरान आणि सुरती 400-500, टोमॅटो : 30-60, दोडका : 200-300, हिरवी मिरची : 350-450, दुधी भोपळा : 40-80, चवळी : 200-250, काकडी : 100-140, कारली : हिरवी 300-320, पांढरी : 250, पापडी : 160-180, पडवळ : 160-180, फ्लॉवर : 40-60, कोबी : 30-50,
वांगी : 60-120, डिंगरी : 180-200, नवलकोल : 70-80, ढोबळी मिरची : 200-250, तोंडली : कळी 200-250, जाड : 100-120, शेवगा : 150-200, गाजर : 120-140, वालवर : 140-160, बीट : 40- 80, घेवडा : 200-300, कोहळा : 100-150, आर्वी : 200-250, घोसावळे : 150-160, ढेमसे : 200-250, भुईमूग शेंग : 300-350, मटार : परराज्य : 200-220, स्थानिक : 240-250, पावटा : 250-260, तांबडा भोपळा : 60-120, सुरण : 340-350, मका कणीस : 50-80,
नारळ (शेकडा) : 1000-1600.

1 लाख जुड्यांची आवक
रविवारी भाजीपाला विभागात कोथिंबीरीची आवक 1 लाख 75 हजार जुडी झाली आहे. तर मेथीची 80 हजार जुडीची आवक झाल्याची माहीती व्यापारी विलास भुजबळ यांनी दिली.

पालेभाज्यांचे शेकड्यातील भाव : कोथिंबीर : 200-500, मेथी : 200-500, शेपू : 300-500, कांदापात : 500-800, चाकवत : 400-500, करडई : 500-500, पुदिना : 200-300, अंबाडी : 400-500, मुळे : 500-800, राजगिरा : 400-500, चुका : 400-500, चवळई : 400-500, पालक : 300-400, हरबरा गड्डी : 500-700

कलिंगडाची आवक वाढली
ढगाळ हवामानामुळे जिल्ह्यासह राज्यातील थंडीची लाट ओसरली आहे. त्यामुळे कलिंगड, खरबुजाची आवक रविवारी मार्केटयार्डात फळविभागात वाढली आहे. तर काश्मिरमध्ये बर्फवृष्टी झाल्यामुळे सफरचंदाची आवक बंद झाली आहे. परीणामी सफरचंदाचे भाव पेटीमागे 100 रुपयांनी वाढले आहेत. तसेच द्राक्षांची आवक वाढली असून बोरांचा हंगाम शेवटच्या टप्प्यात आल्याची माहीती व्यापार्‍यांनी दिली.

फळांचे दर पुढीलप्रमाणे
लिंबे (प्रति गोणी) : 40-100, अननस (डझन) : 70-270, मोसंबी : (3 डझन) : 130-280, (4 डझन ) : 70-140, संत्रा : ( 3 डझन) 130-300, (4 डझन) : 70-140, डाळिंब (प्रति किलोस) : भगवा : 40-130, गणेश 10-30, आरक्ता 20-60, कलिंगड : 8-10, खरबूज : 10-20, पपई : 05-20, चिक्कू: 100-500, पेरू (20 किलो) : 700-1000, सफरचंद : सिमला (25 किलो) : 1400-1800, काश्मीर डेलीशियस (15 किलो) 1000-1400, किन्नोर : (20 ते 25 किलो) 1600-2200, किन्नू (10 किलो) : 450-600, बोरे : चण्यामण्या : 350-450, चमेली : 130-150, उमराण : 35-60, द्राक्षे : तासगणेश (15 किलो) 500-700, सुपर सोनाका (15 किलो) : 700-1200, जम्बो (10 किलो) : 400-850, सोनाका (15 किलो) : 600-800, थामसन (15 किलो) : 400-500, स्ट्रॉबेरी 80-150.

शिवजयंतीमुळे फुलांची मागणी वाढली
सोमवारी शिवजयंती निमित्त झेंडू, गुलछडीला मागणी वाढली आहे. रविवारी मार्केटयार्डात झेंडुच्या फुलांना मागणी वाढल्यामुळे भावात घट झाली तर गुलछडीला शिवजयंती लग्नसराईमुळे मुंबईतून मोठी मागणी असून बिजलीची आवक देखील वाढली आहे.
फुलांचे प्रति किलोचे दर पुढीलप्रमाणे : झेंडू : 10-30, गुलछडी : 200-400, बिजली : 5-20, कापरी : 10-30, शेवंती : 20-40, ऑस्टर : 10-20, गुलाबगड्डी (गड्डीचे भाव) : 30-40, गुलछडी काडी : 20-50, डच गुलाब (20 नग) : 50-100, लिलिबंडल : 3-8, अबोली लड : 200-250, जर्बेरा : 50-70, कार्नेशियन : 100-200, कागडा बंडल :100-200.

मासळीची आवक घटली
वाढत्या उन्हामुळे मासळीची आवक कमी होत आहे. त्या तुलनेत मागणी जास्त आहे. त्यामुळे गेल्या आठवड्याच्या तुलनेत खोल समुद्रातील व नदीतील मासळीच्या दारात 5 ते 7 टक्के वाढ झाली आहे. गणेश पेठे येथील मासळी बाजारात रविवारी खोल समुद्रातील मासळीची 8 ते 9 टन, खाडीची मासळी 200 ते 300 किलो आणि नदीच्या मासळीची 500 ते 700 किलो आणि आंध्र प्रदेश येथून रहु, कतला आणि सिलनची मिळून सुमारे 10 टन आवक झाली असल्याची माहिती व्यापारी परदेशी ठाकूर यांनी दिली. तर गेल्या आठवड्याच्या तुलनेत चिकनचे दर 10 रुपयांनी वधारले. गावरान अड्यांच्या दरात शेकड्यामध्ये 30 ते 40 रुपयांनी घट तर इंग्लिश अंड्याचे भाव 40 रुपयांनी वधारले आहेत.

मासळीचे भाव (प्रतिकिलो)
खोल समुद्रातील मासळी (प्रतिकिलोचे दर) : पापलेट : कापरी : 1500, मोठे : 1400, मध्यम : 1100-1200, लहान : 800, भिला : 600, हलवा : 550, सुरमई : 550-600, रावस-लहान : 550, मोठा : 600, घोळ : 600, करली : 280, करंदी : 280, भिंग : 280, पाला : 750-1400, वाम : 240-550, ओले बोंबील : 160-200, कोळंबी-लहान : 320, मोठी : 480, जंबोप्रॉन्स : 1500, किंगप्रॉन्स : 900, लॉबस्टर : 1600, मोरी : 200-280, मांदेली : 120, राणीमासा : 160-200, खेकडे : 200, चिंबोर्‍या : 480.
खाडीची मासळी : सौंदाळे : 240, खापी : 200, नगली : 480, तांबोशी : 440, पालू : 280, लेपा : 160-240, शेवटे : 280, बांगडा : लहान : 140, मोठे : 200
पेडवी : 80, बेळुंजी : 140, तिसर्‍या : 160, खुबे : 160, तारली : 140
नदीची मासळी : रहू : 160, कतला : 200, मरळ : 280-480, शिवडा : 240, चिलापी : 80, मांगूर : 140, खवली : 200, आम्ळी : 100 खेकडे : 200, वाम : 480.
मटण : बोकडाचे : 440, बोल्हाईचे : 440, खिमा : 440, कलेजी : 480.
चिकन : चिकन : 140, लेगपीस : 170, जिवंत कोंबडी : 110, बोनलेस : 240.
अंडी : गावरान : शेकडा : 820, डझन : 108 प्रति नग : 9.00. इंग्लिश : शेकडा : 425 डझन : 60 प्रतिनग : 5.