माजी मंत्री पाटील यांच्या वाढदिवशी रक्तदान शिबीर

धुळे। ज्येष्ठ नेते माजी मंत्री रोहिदास पाटील यांच्या वाढदिवसानिमित्त धुळे तालुका काँग्रेस आणि युवक काँग्रेसच्यावतीने देवपूरातील सुंदरसावित्री सभागृहात रक्तदान शिबिराचे आयोजन करण्यात आले होते.या शिबिरात पंचायत समिती उपसभापती दिनेश भदाणे , युवक काँग्रेस तालुका आणि जिल्हाध्यक्षांनी स्वत: रक्तदान करून रक्तदान चळवळीतील तरूणांना प्रोत्साहित केलेल्या या शिबिरात 8 9 रक्तदात्यानी रक्तदान केले.

माजी मंत्री रोहिदास पाटील यांनी राज्यातील शेतकरी हिताच्या विविध महत्वाकांक्षी योजना राबविले असल्याचे जि.प.सभापती मधुकर गर्दे यांनी या वेळी सांगितले. यावेळी जि.प.सभापती मधुकर गर्दे यांनी सांगितले की राज्यातील शेतकरी गेल्या तीन ते चार वर्षांपासून दुष्काळाच्या संकटात सापडला आहे. त्यामुळे स्वतःचा वाढदिवस साजरा न करण्याचा निर्णय पाटील यांनी घेतला. मात्र समाजोपयोगी उपक्रम जिल्ह्यात राबविण्यात आले. पाटबंधारे आणि कृषी मंत्री असतांना रोहिदास पाटील यांनी महत्त्वाकांक्षी योजना राबविले आहे.