माढामधून विजयसिंह मोहिते पाटीलांना उमेदवारी?

सोलापूर : राष्ट्रवादी कॉंग्रेसचे जेते विजयसिंह मोहिते पाटील यांनी भाजपात प्रवेश केल्यानंतर त्यांना माढा लोकसभा मतदारसंघाची उमेदवारी मिळेल असे मानले जात होते. मात्र कॉंग्रेसचे जिल्हाध्यक्ष रणजितसिंह निंबाळकर यांनी देखील भाजपात प्रवेश केल्याने त्यांना उमेदवारी मिळेल असे जवळपास निश्चित होते. परंतु आता पुन्हा विजयसिंह मोहिते पाटील यांचे नाव पुढे आले आहे.

पहिल्यांदा माढा मतदारसंघातून आपण स्वतः निवडणूक लढणार असल्याचे राष्ट्रवादीचे अध्यक्ष शरद पवारांनी सांगितले. त्यामुळे मोहिते पाटलांसह पक्षाचे स्थानिक नेते आणि कार्यकर्ते कामाला लागले. मात्र, ऐनवेळी पवारांनी निवडणूक न लढण्याचा निर्णय घेतला आणि माढ्याचा तिढा वाढला.