मातोश्री फाउंडेशनतर्फे आयोजित आरोग्य शिबिरात 500 रुग्णांची आरोग्य तपासणी
शिबिराला उत्स्फूर्त प्रतिसाद ; 40 जणांचा मृत्यूनंतर देहदानाचा संकल्प
फैजपूर- मातोश्री फाउंडेशन पिंपरुड व आश्रय फौंडेशन, यावल यांच्या संयुक्त विद्यमाने मोफत आरोग्य शिबिर पिंपरुड फाटा, फैजपूर रोड येथे झाले. शिबिरात 500 रुगणांची मोफत तपासणी करण्यात आली या प्रसंगी 40 जणांनी मृत्यूनंतर देहदानाचा संकल्प केला. पिंपरूड फैजपूर परीसरात मातोश्री फाउंडेशनतर्फे ज्येष्ठ नागरीकांसाठी योजना, स्पर्धा परीक्षा मार्गदर्शन वर्ग, शेतकर्‍यांसाठी मार्गदर्शन, गुणवंत विद्यार्थी सत्कार, शैक्षणिक साहित्य वाटप, वाचनालय आदी सामाजिक व शैक्षणिक असे उपयुक्त उपक्रम सातत्त्याने राबविले जातात. याच पार्श्वभूमीवर मातोश्री फाउंडेशन पिंपरुड व आश्रय फौंडेशन, यावल यांच्या संयुक्त विद्यमाने मोफत आरोग्य तपासणीचा कार्यक्रम रविवारी घेण्यात आला.
यांनी केली रुग्णांची तपासणी
डॉक्टरांचे स्वागत प्रा.पी.एस.बोरोले, बाळकृष्ण खडसे यांनी केले. यावेळी मातोश्री फाउंडेशनचे अध्यक्ष जनार्दन जंगले यांनी प्रास्ताविक केले. डॉ.कुंदन फेगडे यांनी मार्गदर्शन करून आरोग्य शिबिराचे उद्घाटन केले. सूत्रसंचालन प्रा.आर.आर.राजपूत यांनी केले. डॉ.कुंदन फेगडे, डॉ.अभिजीत सरोदे, डॉ.चेतन कोळंबे, डॉ.शैलेश खाचणे, डॉ.गौरव धांडे, डॉ.पराग कोल्हे, डॉ.ललित बोरोले, डॉ.सचिन कोल्हे, डॉ.दिलीप भटकर, डॉ.भूषण जंगले, डॉ.भरत महाजन, डॉ.राजेश चौधरी, डॉ.नितीन महाजन, डॉ.विलास पाटील, डॉ.प्रशांत जावळे, डॉ.संगीता महाजन, डॉ.वृषाली पाटील, डॉ.निलेश पाटील या सर्व सेवाभावी तज्ञ डॉक्टरांनी 500 रुग्णांची मोफत तपासणी केली तसे गरजू रुग्णांना मातोश्री फाउंडेशनतर्फे डॉक्टरांनी लिहून दिलेली औषधे पुरविण्यात येणार आहे. शिबिराच्या यशस्वीतेसाठी मातोश्री फाउंडेशनचे उपाध्यक्ष चंद्रकांत जंगले तसेच सामाजिक कार्यकर्ते संजय सराफ, राहुल कोल्हे आणि सद्भावना ज्येष्ठ नागरीक मंडळ प्रा.पी.एस.बोरोले, पी.टी.लासूरे, भास्कर चौधरी, भास्कर महाले, रमेश भोगे, सुधाकर वारके, आर.यू.पाटील यांनी परीश्रम घेतले.
40 जणांचा देहदानाचा संकल्प
विशेष म्हणजे या शिबिरातील 50 रुग्णाचे मोफत मोतीबिंदू ऑपरेशन डॉ.कुंदन फेगडे यांच्या आई हॉस्पिटल यावलमध्ये 13 डिसेंबर रोजी करण्यात येणार आहे तसेच मातोश्री फौंडेशनच्या आवाहनाला प्रतिसाद देत 40 जणांनी मृत्यूनंतर देहदान करण्याचा संकल्प घेऊन प्रतिज्ञापत्र भरून दिले, असे आयोजक म्हणाले.