माळशेज घाटात दरड कोसळली; वाहतूक बंद

मुंबई-माळशेज घाटात आज मंगळवारी सकाळी दरड कोसळली आहे. त्यामुळे या मार्गावरील वाहतूक बंद करण्यात आली आहे. दरड हटवण्याचे काम सुरु असून धुके आणि पावसामुळे कामात अडथळे येत आहेत.

कल्याण-अहमदनगर महामार्गावर जवळपास १० किलोमीटर अंतरात माळशेज घाट आहे. या घाटात मंगळवारी पहाटे दरड कोसळली असून खबरदारीचा उपाय म्हणून वाहतूक पुर्णतः थांबवण्यात आली. महामार्ग अधिकारी कर्मचारी तसेच महसूल कर्मचारी, पोलीस हे घटनास्थळी पोहोचले आहेत. पाऊस आणि धुके यामुळे दरड हटवण्याच्या कामात अडथळे येत आहेत. या घटनेत कोणतीही जीवितहानी झाली नसून वाहतूक बंद असल्याने प्रवाशांचे हाल होत आहेत.