माळी समाज मंगल कार्यालयाच्या भव्य सभामंडपाचे भूमिपूजन

तळोदा । येथील श्री समस्त काचमाळी पंचच्या मंगल कार्यालयातील सभामंडपाचा भूमिपूजन समारंभ समाजाचे अध्यक्ष ईश्वरलाल मगरे यांच्या हस्ते पार पडला. यावेळी अध्यक्षस्थानी तळोदा पालिकेचे प्रतोद भरत भाई माळी हे होते. याप्रसंगी उपस्थित दात्यांनी 5 लाखाच्या देणग्या सभामंडप बांधकामासाठी दिल्या. माळी समाज मंगल कार्यालयात शहरवासीयांच्या सोयीसाठी 150 फूट लांब, 80 फूट रुंद ,30 फूट उंचीच्या भव्य सभामंडपाचे निर्माण करण्यात येत असून त्यासोबत पार्किंग लॉन इत्यादि सोयी करण्यात येणार आहेत.

आजच्या युवा पिढीला दिशा देण्याची गरज
भरकटत जाणार्‍या आजच्या युवा पिढीला दिशा देण्याची गरज असून हे कार्य जेष्ठांनी आणि आईवडीलांनी करावयाचे आहे असे प्रतिपादन यावेळी अध्यक्ष स्थानावरून बोलतांना भरतभाई माळी यांनी केले. तर माळी समाजाने समाज बांधवांच्या मदतीने सावता माळी भवन मंगल कार्यालय अशी मोठी कामे केली असून आता भव्य अश्या 50 लाखाच्या सभा मंडप निर्माणासाठी सुद्धा शेतकरी उद्योजक व्यवसायी नोकरदार कष्टकरी या सर्वांनी सढळ हाताने मदत करावी असे आवाहन समाज अध्यक्ष ईश्वरलाल मगरे यांनी केले.

या मान्यवरांची होती उपस्थिती
यावेळी कॉलेज ट्रस्टचे माजी अध्यक्ष चुनीलाल सूर्यवंशी, उपाध्यक्ष सुधीर माळी, देवमोगरा विद्याप्रसारकचे अध्यक्ष चेतन पवार, पालिकेचे बांधकाम सभापती संजय माळी, नगरसेवक पंकज राणे, संपादक भीमराव महाजन, पंचचे माजी अध्यक्ष नारायण माळी , मधुकर मगरे, माजी उपाध्यक्ष ऐन. बी. राजकुळे, सेवानिवृत्त पो. नि. वासुदेव पवार ,महिला मंडळ अध्यक्षा प्रा. मीनल राणे यांची प्रमुख उपस्थिती होती.