मासिक पाळीदरम्यान महिला पवित्र मंदिरात कशाला जातात?; स्मृती इराणी यांचा वादग्रस्त प्रश्न

नवी दिल्ली-शबरीमला मंदिराचा मुद्दा सध्या देशातील ज्वलंत मुद्दा आहे. यावरून राजकारण होत आहे दरम्यान केंद्रीय मंत्री स्मृती इराणी यांनी रक्ताने माखलेले सॅनिटरी पॅड्स तुम्ही तुमच्या मित्राच्या घरी न्याल का? असा एक वादग्रस्त प्रश्न केला आहे. देवाच्या मंदिरात जाणे आणि तिथे जाऊन प्रार्थना करणे हा प्रत्येकाचा अधिकार आहे. मात्र मासिक पाळी आल्यानंतर त्या अवस्थेत तुम्ही देवाच्या मंदिरात कशा काय जाऊ शकाल असा प्रश्न स्मृती इराणींनी विचारला आहे.

ब्रिटिश डेप्युटी हाय कमिशन आणि ऑबझर्व्हर्स रिसर्च फाऊंडेशनतर्फे एक परिषद आयोजित करण्यात आली होती त्या कार्यक्रमात स्मृती इराणी यांनी त्यांचे मत मांडले आहे. सुप्रीम कोर्टाने महिलांना मंदिर प्रवेशाचा अधिकार दिला आहे मी एक केंद्रीय मंत्री म्हणून त्यावर मत नोंदवू शकत नाही पण माझे व्यक्तीगत मत मी इथे व्यक्त केले आहे.

केरळच्या शबरीमाला मंदिरात प्रवेशाला सुप्रीम कोर्टाने परवानगी दिली असली तरी अनेक संघटना आणि स्थानिक लोक याचा विरोध करीत आहेत.