मीडियाने ड्रेसिंग रूमच्या वादात डोकावू नये

नवी दिल्ली । टिम इंडीयाचा कर्णधार विराट कोहली आणि प्रशिक्षक अनिल कुंबळे यांच्या ड्रेसिंग रूमच्या वादात विनाकारण मीडियाने विनाकारण डोक घालत वादाला इतर निकर्षाकडे नेऊ नये असे सर्वोच्च न्यालयाकडून नियुकत केलेल्या प्रशासक समितीचे प्रमुख विनोद राय यांनी दोघांच्या वादावर अशी प्रतिक्रिया दिली आहे. विनोद राय यांनी भारतीय टीमचे माजी प्रशिक्षक अनिल कुंबळे यांची स्तुती केली आहे. भारतीय टीम चांगला खेळ करत असून, त्यांच्यातील एकी कायम राहील हे आम्ही सुनिश्चित करणार आहोत.

विराटला कुंबळेची कामगिरी आवडत नाही
विराटला कुंबळेची काम करण्याची पद्धत आवडत नसल्यामुळे अनिल कुंबळे यांनी राजीनामा दिला आहे. सीओएच्या बैठकीनंतर ते म्हणाले, जर दोन माणसांना सात दिवस 24 तास एकत्र ठेवल्यास कदाचित त्यांच्यात मतभेद होऊ शकतील. एखाद्या संघातील कर्णधार आणि प्रशिक्षक दोघांची भिन्न मते असल्यास त्यानं व्यावसायिक तोटा होतो. कुंबळे हे परिपक्व व्यक्तिमत्त्व आहे. त्यामुळेच त्यांनी राजीनामा द्यायचा निर्णय घेतला. शेवटी कर्णधारालाच मैदानावर खेळावं लागतं.

कुंबळेंची भूमिका पूर्णतः योग्य होती. त्यांनी एक प्रशिक्षक म्हणून फार चांगलं काम केलं आहे. आम्ही भारतीय संघ एकसंध ठेवण्याचा प्रयत्न करू, मग तो कर्णधार असू देत किंवा मॅनेजर, संघात एकोपा टिकला पाहिजे. कर्णधार आणि प्रशिक्षकाच्या वादात मीडियानं डोकं न घालता कोणत्याही निष्कर्षापर्यंत येऊ नये. भारतीय मीडिया घर आणि बेडरूममध्ये डोकावत नाही, त्यामुळे कृपा करून मीडियाने ड्रेसिंग रूममध्येही डोकावून पाहू नये, असा सल्ला राय यांनी मीडियाला दिला आहे.