मुंबईतील स्मशानभूमींना सवलतीत द्या पाइप गॅस!

मुंबई । पर्यावरणपूरक असणारा पाइप गॅस मुंबईतील स्मशानभूमीना सवलतीने देण्यात यावा, अशी मागणी आज केंद्रीय पेट्रोलियम मंत्री धर्मेंद्र प्रधान यांच्याची आज दिल्लीत भेट घेऊन मुंबई भाजप अध्यक्ष आमदार अ‍ॅड. आशिष शेलार यांनी केली. नॅचरल गॅस हा पर्यावरण पुरक असून स्मशानभूमींना तो सवलतीने उपलब्ध करून दिल्यास लाकाडाचा वापर करून पर्यायाने झाडांची कत्तल कमी होऊ शकेल.

लाकडाच्या जळण्यामुळे निर्माण होणारा धुर व त्याचे प्रदुषण कमी करण्यात मदत होईल. म्हणून सवलतीच्या दराने पाइप गॅस उपलब्ध करून देण्यात यावा अशी मागणी आमदार अ‍ॅड. आशिष शेलार यांनी धर्मेद्र प्रधान यांच्याकडे केली आहे. सांताकुझ पश्‍चिम येथे स्थानिक नागरिक एकत्र येऊन नॅचरल गॅसवर चालणारी विद्यृत दाहिनी उभारून पर्यावरण पुरक स्मशानभूमी उभी करण्यात आली आहे. या स्मशान भूमीलाही सवलतीने गॅस मिळावा अशी विनंती करतानाच अशाच प्रकारे मुंबईतील सर्वच स्मशानभूमीमध्ये पाइपने गॅस पुरवठा सवलतीने करण्यात यावा, अशी मागणी आमदार अ‍ॅड आशिष शेलार यांनी केली आहे.