मुंबई-पुणे एक्सप्रेस मार्गावर अपघात; टेम्पोने सहा कामगारांना चिरडले

मुंबई : मुंबई-पुणे एक्सप्रेस मार्गावर खोपोलीजवळ आज सकाळी एक भीषण अपघात झाला आहे. पुण्याहून मुंबईकडे भरधाव वेगात येणाऱ्या टेम्पोने एक्सप्रेस मार्गावर काम करणाऱ्या 6 कामगारांना उडवलं. यामध्ये एका जणाचा मृत्यू झाला तर अन्य पाच जण जखमी आहेत.

जखमींवर नवी मुंबईच्या एमजीएम रुग्णालयात उपचार सुरु आहेत. या अपघातामुळे मुंबईकडे येणाऱ्या मार्गावरची वाहतूक काही काळ ठप्प झाली होती. हे सर्व कामगार रस्त्यावर व शेजारी पांढरे पट्टे रंगवण्याचं काम करत होते, अशी माहिती समोर आली आहे. त्यानंतर हा टेम्पो दुसऱ्या एका टेम्पोलाही धडकला.