मुंबई-पुणे महामार्गावर तीन वेगवेगळ्या अपघातात तीन जण ठार

रायगड-जिल्ह्यातून जाणाऱ्या मुंबई-पुणे जुना महामार्ग व एक्सप्रेस-वे वर तीन वेगवेगळ्या अपघातात तीन जण ठार झाल्याची घटना घडली आहे. तीन जण गंभीर जखमी झाले आहेत . आज सकाळीच एक्सप्रेस-वे वर मुंबईकडे जाणाऱ्या लेनवर रसायनी भाताण बोगद्याजवळ स्विफ्ट कारने ट्रकला मागून धडक दिल्याने झालेल्या अपघातात २ जण जागीच ठार झाले.

दुसरा अपघात खालापूरजवळ झाला. दुचाकी घसरून झालेल्या या अपघातात दुचाकीस्वार मोहम्मद रसूल जागीच ठार झाला. मोहम्मद रसूल घनसोलीत राहायचा. तर खालापूर येथील अमित शेडगे जखमी झाला आहे.

चौकजवळ झालेल्या तिसऱ्या अपघातात दोघे गंभीर जखमी झाले आहेत. कंटेनरची दुचाकीला धडक बसून हा अपघात झाला. जखमींवर चौकच्या ग्रामीण रुग्णालयात उपचार सुरू आहेत.