मुंबई महापालिकेच्या 8 पैकी 5 प्रभाग समित्या भाजपच्या गेल्या ताब्यात

मुंबई । मुंबई महापालिकेच्या 17 प्रभाग समित्यांपैकी 8 प्रभाग समितीच्या अध्यक्षपदासाठी निवडणुका पार पडल्या. आठपैकी सात समित्यांच्या निवडणुका बिनविरोध झाल्या, तर एका प्रभाग समितीसाठी निवडणूक झाली. आठपैकी चार प्रभाग समितीवर भाजपचे, तर तीन समित्यांवर शिवसेनेचे अध्यक्ष निवडून आले.

‘ए’, ‘बी’ आणि ‘ई’, ‘सी’ आणि ‘डी’, ‘एफ/दक्षिण’ व ‘एफ/उत्तर’ तसेच ’जी/दक्षिण’ प्रभाग समितीच्या अध्यक्षपदासाठी झालेल्या निवडणुकीत पीठासीन अधिकारी म्हणून उप महापौर हेमांगी वरळीकर यांनी कामकाज पाहिले. तर ‘पी/दक्षिण’, ‘पी/उत्तर’, ‘आर/दक्षिण’, ‘आर/उत्तर’ आणि ‘आर/मध्य’ प्रभाग समितीच्या अध्यक्षपदासाठी निवडणुकीत पीठासीन अधिकारी महापौर होते.

‘सी’ आणि ‘डी’ प्रभाग समिती अध्यक्षपदी भारतीय जनता पक्षाचे अतुल शहा, ‘एफ/दक्षिण’ आणि ‘एफ/उत्तर’ प्रभाग समिती अध्यक्षपदी शिवसेनेचे सचिन दे. पडवळ, ‘जी/दक्षिण’ प्रभाग समिती अध्यक्षपदी शिवसेनेच्या किशोरी पेडणेकर, ‘पी/दक्षिण’ प्रभाग समिती अध्यक्षपदी भारतीय जनता पार्टीचे संदिप पटेल, ‘पी/उत्तर’ प्रभाग समिती अध्यक्षपदी भारतीय जनता पक्षाच्या जया सतनाम सिंग तिवाना, ‘आर/दक्षिण’ प्रभाग समिती अध्यक्षपदी भारतीय जनता पार्टीचे शिवकुमार झा, ‘आर/उत्तर’ आणि ‘आर/मध्य’ प्रभाग समिती अध्यक्षपदी शिवसेनेच्या रिद्धी खुरसंगे यांची बिनविरोध निवड झाली.