मुक्ताईनगरातील पाच पंचायत समिती सदस्यांचे सभापतींकडे राजीनामे

मुक्ताईनगर- पंचायत समिती सदस्यांना पूर्वीप्रमाणेच 14 व्या वित्त आयोगाच्या शिफारशी लागू करण्यात याव्यात, ज्ल्हिा नियोजन समितीवर सभापतींना सदस्य म्हणून घेण्यात यावे. सदस्यांना 50 लाखांपर्यंत निधी उपलब्ध करून देण्यात यावा, मनरेगाच्या कामांची मंजूरी देण्याचा अधिकार सभागृहाला देण्यात यावा, मानधनात वाढ करण्यात यावी, सभापती व गटविकास अधिकारी यांचे संयुक्त खाते असावे, उपसभापतींना त्यांच्या कालावधीत शासकीय निवासस्थान देण्यात यावे, एसटी महामंडळात सदस्यांना सीट राखीव देण्यात यावे आदी मागण्यांसाठी राज्यभरातील पंचायत समितीचे सदस्य, सभापती व उपसभातींनी 7 मार्च 2018 रोजी विविध मागण्यांसाठी मुंबईच्या आझार मैदानावर उपोषण केले होते. तसेच 23 ते 25 जानेवारी 2019 रोजी पंचायतराजचे निर्मिते स्व.यशवंतराव चव्हाण यांच्या समाधीस्थळी कराड येथे नुकतेच तीन दिवशीय लाक्षणीक उपोषण करण्यात आले होते. परंतु शासनाकडून यासंदर्भात अद्यापर्यंत कोणताही ठोस निर्णय न झाल्यामुळे राज्यातील बहुतांश सभापती, उपसभापती व सदस्यांनी सामुहिक राजीनामे देण्यास सुरूवात केली आहे. यानुसार मुक्ताईनगर पंचायत समितीच्या पाच सदस्यांनी आपले राजीनामे सभापती शुभांगी चंद्रकांत भोलाने यांच्याकडे सोपविले आहे.

आज अध्यक्षांकडे राजीनामे सोपवणार
मंगळवारी स्वतः सभापती व उपसभापती आपल्या पदाचे ब सदस्यत्वाचे राजीनामे जिल्हा परीषद अध्यक्षांकडे सोपविणार आहेत. पंचायत समिती सभापती व सदस्यांना पूर्वी प्रमाणे अधिकार द्यावे यासह प्रमुख अकरा मागण्या मान्य होत नाही म्हणून हा पवित्रा घेण्यात आला आहे.
विकास समाधान पाटील, राजेंद्र सुपडा सवळे, विद्या विनोद पाटील ,सुवर्णा प्रदीप साळुंखे, सुनीता किशोर चौधरी या पंचायत समिती सदस्यांनी आपल्या पदाचा राजीनामा सभापती शुभांगी चंद्रकांत भोलाने यांच्याकडे सोमवारी सोपविला.