मुक्ताईनगरात आजाराला कंटाळून वृद्धेची आत्महत्या
मुक्ताईनगर- शहरातील निवृत्तीनगर भागातील 85 वर्षीय वृद्धेने आजाराला कंटाळून आत्महत्या केल्याची घटना बुधवारी दुपारी चार वाजेपूर्वी घडली. सरूबाई काशीनाथ बर्हाटे असे आत्महत्या केलेल्या वृद्धेचे नाव आहे. शारीरीत व्याधींनी जर्जर झालेल्या सरूबाई यांनी घरातच गळफास घेत आपली जीवनयात्रा संपवली. या प्रकरणी त्यांचा मुगा शालिग्राम काशीनाथ बर्हाटे यांनी मुक्ताईनगर पोलिसात खबर दिल्यावरून अकस्मात मृत्यूची नोंद करण्यात आली.