मुक्ताईनगरात मांडूळ सापाची तस्करी करणार्‍यांना अटक
वनपरिक्षेत्राच्या पथकाची कारवाई
जळगाव – जिल्ह्य़ातील मुक्ताईनगरच्या बर्‍हाणपूर महामार्गावरील रामभाऊ पेट्रोलपंपासमोर मांडूळ सापाची(madul senak taskari) तस्करी करणार्‍या टोळीला वनपरिक्षेत्राच्या गस्ती पथकाने अटक केली आहे. त्यांच्याकडून मांडूळ साप हस्तगत करण्यात आला असून, त्यांच्याविरुद्ध गुन्हा दाखल करण्यात आला. तस्करी होत असल्याची माहिती वनपरिक्षेत्राच्या गस्तीपथकाला मिळाली. वनसंरक्षक विवेक होशिंग, सहाय्यक संरक्षक यू. एम. बिराजदार यांच्या मार्गदर्शनाखाली मुक्ताईनगर वनपरिक्षेत्र अधिकारी कृपाली शिंदे, मानद वन्यजीवरक्षक विवेक देसाई, वनपाल दीपश्री जाधव, वाय. जी. दीक्षित, तुळशीराम घरंझाळे, नितीन खंडारे, उल्हास पाटील, संचलाल पवार, शंकर कोळी, रायसिंग पारधी, नरेंद्र बारी, जितेंद्र धांडे, नबाब पिंजारी, योगेश जाधव यांच्या पथकाने सापळा रचत संशयित विजयसिंग राठोड, योगेश राठोड, शांताराम राठोड, रूपेश राठोड (सर्व रा. मोरझिरा, ता. मुक्ताईनगर) यांना अटक केली. त्यांच्याकडून मांडूळ साप हस्तगत करण्यात आला आहे. त्यांच्याविरुद्ध वन्यजीव संरक्षण अधिनियम अन्वये गुन्हा दाखल करण्यात आला आहे.