मुक्ताईनगरात हाणामारी, पिता-पूत्रांविरुद्ध गुन्हा

मुक्ताईनगर : किरकोळ कारणावरुन एकावर फावड्याने प्राणघातक हल्ला केल्याप्रकरणी पिता-पूत्रांविरुद्ध मुक्ताईनगर पोलिसात गुन्हा दाखल करण्यात आला. शेख रऊफ शेख मुनाफ (40, रा.काझीपुरा, मुक्ताईनगर) यांनी दिलेल्या तक्रारीनुसार त्यांचे बंधू शेख फारूक शेख मुनाफ यांच्यावर शेख जावेद शेख हनीफ, शेख हनीफ (रा.काझीपुरा, मुक्ताईनगर) यांनी फावड्याने हल्ला केल्याची घटना 6 जानेवारी सकाळी 8.30 वाजता घराजवळ घडली.

नळाचे पाणी वाहू देऊ नका, असे सांगितल्याचा आरोपींना राग आल्याने त्यांनी मारहाण केली. शेख फारूक गंभीर जखमी असून त्यांच्यावर जळगावच्या खाजगी रुग्णालयात उपचार सुरू आहेत. उपनिरीक्षक सचिन इंगळे तपास करीत आहेत.