मुक्ताईनगरासह शेंदुर्णीत नगराध्यक्षपदी विराजमान होणार महिला

मुक्ताईनगर अनुसूचित जमातीतील महिला राखीव तर शेंदुर्णीसाठी नागरीकांचा मागास प्रवर्ग महिला राखीव आरक्षण

भुसावळ- राज्यातील नवनिर्मित दोन नगरपरीषद व तीन नगरपंचायतीच्या नगराध्यक्ष पदांच्या आरक्षणाची सोडत बुधवारी नगरविकास राज्यमंत्री डॉ. रणजीत पाटील यांच्या हस्ते काढण्यात आली. यावेळी आमदार बाळा भेगडे, उपसचिव संजय गोखले, अवर सचिव सचिन सहस्रबुध्दे आदी उपस्थित होते. शेंदुर्णी नगरपंचायतीत नगराध्यक्ष पदासाठी नागरीकांच्या मागास प्रवर्गातील महिलेसाठी तर मुक्ताईनगर नगर पंचायत अनुसूचित जमातीतील महिलांसाठी राखीव झाली आहे. प्रसंगी दोन्ही नगरपंचायतीच्या कार्यक्षेत्रातील लोकप्रतिनिधी प्रसंगी उपस्थित होते.