मुक्ताईनगर शहरात निघाली सर्वपक्षीय तिरंगा रॅली

मुक्ताईनगर : स्वातंत्र्याच्या अमृत महोत्सवानिमित्त ‘हर घर तिरंगा’ हे अभियान राबविण्यात येत आहे. याचाच एक भाग म्हणुन खासदार रक्षा खडसे यांच्या पुढाकाराने सर्वपक्षीय भव्य 75 मीटर लांब तिरंगा घेऊन तिरंगा रॅलीचे आयोजन शनिवारी सकाळी 9 वाजता शहरात करण्यात आले.

अनेक लोकप्रतिनिधींचा सहभाग
तिरंगा रॅलीला जुने मुक्ताईनगर, नागेश्वर मंदिरापासून सुरुवात झाल्यानंतर रॅलीचा प्रवर्तन चौकात समारोप करण्यात आला. यावेळी उपस्थित पाहुण्यांच्या हस्ते माजी सैनिक, माजी पोलीस, दिव्यांग, जेष्ठ नागरीक यांचा सत्कार करण्यात आला. यावेळी खासदार खडसे यांच्यासह आमदार एकनाथ खडसे, डॉ.राजेंद्र फडके, भाजपा प्रदेश उपाध्यक्ष अशोक कांडेलकर, राष्ट्रवादीच्या अ‍ॅड.रोहिणी खडसे-खेवलकर, काँग्रेसचे डॉ.जगदीश पाटील, नंदकिशोर महाजन, नजमा तडवी, प्रभारी नगराध्यक्षा मनीषा पाटील, भाजपा विधानसभा क्षेत्रप्रमुख ललित महाजन, शिवसेना तालुकाध्यक्ष छोटू भोई, विलास पांडे, राष्ट्रवादी तालुकाध्यक्ष यु.डी.पाटील, ईश्वर रहाणे, काँग्रेसचे अ‍ॅड.गोसावी, विलास धायडे, भाजप तालुकाध्यक्ष प्रफुल्ल जवरे, संतोष खोरखेडे, भाजपा तालुका सरचिटणीस चंद्रकांत भोलाणे, भाजपा शहराध्यक्ष पंकज कोळी, भाजयुमो तालुकाध्यक्ष अंकुश चौधरी, अतुल जावरे, मोहन महाजन, राजेंद्र सांगळकर, तहसीलदार श्वेता संचेती, मुख्याधिकारी अश्विनी गायकवाड, गटविकास अधिकारी दीपाली कोतवाल, स्थानिक नगर सेवक, जे.ई.स्कूल ज्यु कॉलेज विद्यार्थी व शिक्षक, तहसील, पंचायत समिती, नगरपंचायत कार्यालय कर्मचारी यांच्या सह मुक्ताईनगर शहरवासीय मोठ्या संख्येने उपस्थित होते.