मुख्यमंत्री उद्या जिल्ह्यात ; भुसावळात वीज केंद्राचे भूमिपूजन

महापारेषणच्या जिल्ह्यातील चार प्रस्तावित उपकेंद्रांचे ई-भूमिपूजन होणार

भुसावळ : राज्याचे मुख्यमंत्री देवेंद्र फडणवीस यांच्या हस्ते येत्या शुक्रवार 30 रोजी सकाळी साडेदहा वाजता 660 मेगावॅट महानिर्मिती प्रकल्पाचे दीपनगर येथे भूमिपूजन होत आहे. प्रसंगी जामनेर तालुक्यातील 220 के.व्ही.उपकेंद्र, केकतनिंभोरा, यावल तालुक्यातील 220 के.व्ही.उपकेंद्र विरोदा, भडगाव तालुक्यातील 132 के.व्ही.उपकेंद्र कोठली, मुक्ताईनगर तालुक्यातील 132 के.व्ही.उपकेंद्र कर्की (पुर्नाड) या प्रस्तावित उपकेंद्रांचे ई-भूमिपूजन मुख्यमंत्री करतील. अध्यक्षस्थानी पालकमंत्री चंद्रकांत पाटील असतील. विशेष अतिथी म्हणून कृषी, फलोत्पादन मंत्री पांडुरंग फुंडकर, जलसंपदा व लाभक्षेत्र विकास आणि वैद्यकीय शिक्षणमंत्री गिरीष महाजन, पाणीपुरवठा व स्वच्छतामंत्री बबनराव लोणीकर, ऊर्जा व नवीन व नवीकरणीय ऊर्जा व राज्य उत्पादन शुल्कमंत्री चंद्रशेखर बावनकुळे, ऊर्जा पर्यटन, अन्न व औषध प्रशासन राज्यमंत्री मदन येरावार, सहकार राज्यमंत्री गुलाबराव पाटील, जळगाव जिल्हा परिषदेच्या अध्यक्षा उज्ज्वलाताई पाटील उपस्थित राहतील.

कार्यक्रमास यांची प्रमुख उपस्थिती
कार्यक्रमाला प्रमुख अतिथी म्हणून खासदार ए.टी.पाटील, खासदार रक्षाताई खडसे, आमदार डॉ.सुधीर तांबे, डॉ.अपूर्व हिरे, स्मिता वाघ, चंदूभाई पटेल, एकनाथराव खडसे, डॉ.सतीश पाटील, संजय सावकारे, हरिभाऊ जावळे, चंद्रकांत सोनवणे, सुरेश भोळे, शिरीष चौधरी, उन्मेष पाटील, किशोर पाटील उपस्थित राहतील. कार्यक्रमास प्रधान सचिव (ऊर्जा) अरविंद सिंह, महापारेषणचे अध्यक्ष व व्यवस्थापकीय संचालक राजीव कुमार मित्तल, जिल्हाधिकारी किशोरराजे निंबाळकर, रवींद्र चव्हाण, संचालक (प्रकल्प, महापारेषण) उपस्थित राहतील. कर्यक्रमास उपस्थिती द्यावी, असे आवाहन संचालक (संचलन) गणपत मुंडे, नाशिक परीमंडळाचे मुख्य अभियंता जयंत विके, जळगाव परीमंडळाचे मुख्य अभियंता ब्रिजपालसिंह जनवीर यांनी केले आहे.

जळगावात अटल योजनेचे भूमिपूजन
जळगाव येथे मुख्यमंत्र्यांच्या हस्ते अटल योजनेचे शुक्रवारी दुपारी दोन वाजता भाऊंचे उद्यान, काव्य रत्नावली चौकात भूमिपूजन होणार आहे. अध्यक्षस्थानी महसूल व पालकमंत्री चंद्रकांत पाटील असतील.