मुलाचा कारमध्ये गुदमरुन मृत्यू

चाकण : गाडीत गुदमरुन आणि उन्हाचे चटके बसल्याने पाच वर्षीय मुलाचा मृत्यू झाला आहे. करण पांडे असं मृत मुलाचं नाव आहे. सोमवारी संध्याकाळी पावणे सहा वाजता ही घटना घडली.

घराबाहेर मित्रांसोबत खेळत असताना, करण दुपारी बाराच्या सुमारास उन्हात उभी असलेल्या इस्टिम गाडीत बसला. पण गाडी अचानक लॉक झाली आणि तेव्हापासून तो पावणे सहा तास गाडीत अडकला होता. बजाज ऑटो कंपनीच्या मोकळया जागेत ही कार दोन महिन्यापासून नादुरुस्त अवस्थेत होती. दुपारचे उन्ह आणि गाडीच्या काचा बंद असल्यामुळे मुलगा गुदमरला. तसेच उन्हाचे चटक्यामूळे त्याची मांडी आणि डोक्याची कातडीही जळाली होती. संध्याकाळी पावणे सहा वाजता वडिलांना त्याचा मृतदेह गाडीत आढळला.