मुलुंडमध्ये शिरलेला बिबट्या सहा तासांनी जेरबंद

बिबट्याच्या दहशतीखाली वावरत होते रहिवाशी

मुंबई : मुंबईतील मुलुंड भागातील रहिवासी शनिवारी सकाळपासून बिबट्याच्या दहशतीत वावरत होते. अखेर सहा तासांच्या प्रयत्नांनंतरही बिबट्याला जेरबंद करण्यात यश आले. बिबट्याने सहा जणांना जखमी केल्याची माहिती आहे. शनिवारी सकाळी सहा वाजताच्या सुमारास मुलुंड पूर्वेच्या नानेपाड्यात बिबट्या शिरला होता. काही तास उलटल्यानंतरही बिबट्याला जेरबंद करता आले नव्हते.

अखेर, बेशुद्धीचे इंजेक्शन मारुन बिबट्याला पकडण्यात आले. नानेपाडा भागातीलच एका इमारतीत बिबट्या लपला होता. वन विभागाचे कर्मचारी तीन तास बिबट्याला जेरबंद करण्याचे प्रयत्न करत होते. अखेर साडेअकरानंतर त्यांच्या प्रयत्नांना यश आले. भाजपचे खासदार किरीट सोमय्या यांनीही ट्वीट करुन बिबट्या शिरल्याची माहिती दिली होती. तसेच जखमींचे फोटो शेअर केले होते.