मेधा पाटकर यांना अटक

चिकलदा : मध्य प्रदेशमधील चिकलदा गावात सरदार सरोवर धरणाची उंची कमी करण्याच्या मागणीसाठी सुरू असलेला ज्येष्ठ सामाजिक कार्यकर्त्या मेधा पाटकर यांचा नर्मदा सत्याग्रह पोलिसांच्या मदतीने चिरडण्यात आला आहे. मेधा पाटकर यांची प्रकृती खालावलेली असतानाही त्यांच्यासह 11 उपोषणकर्त्यांना पोलिसांनी अटक केली आहे. आंदोलकांवर लाठीमार करत पोलिसांनी येथील मंडपही तोडल्याने तणाव निर्माण झाला होता. दोन हजार पोलिसांनी ही कारवाई केली. अन्य महिला कार्यकर्त्यांनाही पोलिसांनी मारहाण केली. उपोषणासाठीचा मंडप आणि तेथील खुर्च्यांची मोडतोड केली. अशा दडपशाहीने आमचे आंदोलन थांबणार नाही. उपोषण यापुढेही सुरूच राहणार आहे, असेही नर्मदा बचाव आंदोलनाने स्पष्ट केले आहे.