मेहरुण तलाव परिसरात गळफास घेवुन तरुणाची आत्महत्या

जळगाव : मेहरुण तलाव परिसरात दिनेश उखनराव दवने (३८) या तरुणाने राहत्या घरात गळफास घेऊन आत्महत्या केल्याची घटना रविवारी सायंकाळी सात वाजता उघडकीस आली. तरुणाच्या आत्महत्येचे कारण स्पष्ट झालेले नाही.

सायंकाळी सात वाजता गळफास घेतल्याचे दिसून आल्यानंतर नातेवाईकांनी दिनेश यास जिल्हा रुग्णालयात हलविले असता वैद्यकीय अधिकारी डॉ. प्रवीण पाटील यांनी त्यास मृत घोषित केले. एमआयडीसी पोलिस स्टेशनचे उपनिरीक्षक विशाल सोनवणे व हवालदार संतोष पवार यांनी पंचनामा केला. याप्रकरणी अकस्मात मृत्यूची नोंद करण्यात आली आहे.