मेहरूण येथील ‘त्या’ कोराना बाधित रुग्णावर नाचणखेड्यातील डाँक्टराकडून उपचार

मेहरूण ते नाचणखेडा कनेक्शन

डॉक्टराच्या संपर्कातील तेरा जण होम क्वारंटाईन

जळगाव। येथील मेहरूण परिसरात आढळलेल्या कोरोना बाधित रुग्णाने सौदी अरेबिया येथून आल्यानंतर जामनेर तालुक्यातील नाचणखेडा येथील डाँक्टराकडून उपचार केल्याची माहिती तपास यंत्रणे समोर आली आहे. त्यामुळे नाचणखेड्यातील संबंधित डॉक्टरांच्या संपर्कातील तेरा जणांना खबरदारीचा उपाय होम क्वारंटाइन केले आहे. यात एका मेडिकल वितरकाचा समावेश आहे. डॉक्टरला पुढील उपचारासाठी वैद्यकीय महाविद्यालयात दाखल करण्यात आले आहे.

नाचणखेडा येथील मुळ रहिवाशी असलेल्या डाँक्टराचा दवाखाना मेहरूण भागात आहे. याच परिसरातील रहिवासी असलेला कोरोना रुग्ण परदेशातून आल्यानंतर त्रास होत असल्याने या डॉक्टरकडून १८ मार्चपासून उपचार घेतले आहे. तसेच एक दिवसांपुरते संबंधित डॉक्टर नाचणखेडा येथे मुळगावी आले होते. याची माहिती तपास यंत्रणेच्या माध्यमातून समोर आली आहे. त्यानुसार याची माहिती तहसीलदार अरूण शेवाळे यांना देण्यात आली. त्यामुळे संबंधित डॉक्टरला हलविण्याच्या सुचना तहसिदारांनी केल्याने शनिवारी रात्रीच डॉक्टर आपल्या कुंटूबासह वैद्यकीय महाविद्यालयात पुढील उपचारसाठी दाखल झाल्याचे सांगितले जात आहे. यात त्यांची वैद्यकीय चाचणी करण्यात येणार असल्याचे सांगितले आहे. तर रविवारी सकाळी पहूर पोलीस स्टेशनचे साहाय्यक पोलीस निरीक्षक राकेशसिंह परदेशी, पोउनि अमोल देवडे, ईश्वर देशमुख व दिनेश लाडवंजारी या पोलिसांनी नाचणखेड्यात जावून संपूर्ण पाहणी करून घराबाहेर न पडण्याच्या सुचना दिल्या असून गाव लाँकडाँऊन केल्याचे सांगितले आहे. तर एक पोलिस कर्मचारी बंदोबस्तासाठी ठेवला आहे. तसेच वाकोद प्राथमिक आरोग्य केंद्राचे आरोग्य अधिकार्यांसह पथकाने गावात जावून प्रत्यक्ष डॉक्टरांच्या संपर्कातील नातेवाईक व नागरिक यांच्याकडून माहिती जाणून घेतली. यादरम्यान सर्वांची लक्षणे निगेटिव्ह असून खबदारीसाठी सर्वांना चौदा दिवस होम क्वारंटाईन राहण्याच्या सक्तीच्या सुचना दिल्या आहेत. याचबरोबर ग्रामपंचायत सरंपच पदाधिकारी यांची बैठक घेऊन सपूर्ण गाव सँनेटायझरची फवारणी करून निर्जंतुकीकरण करण्याचे सांगितले. नागरीकांनी घाबरण्याचे काम नाही, असे वैद्यकीय अधिकारी डॉ.संदीप पाटील यांनी सांगितले आहे.-तसेच कोरोना बाधीत रुग्णाचे जामनेर येथील सहा नातेवाईक व चालक यांना वैद्यकीय महाविद्यालयात क्वारंटाईन केल्याचे वैद्यकीय सुत्रांनी सांगितलेे.