मोदी, शहांवर कारवाईचे आदेश देण्यास कोर्टाचा नकार

नवी दिल्ली:पंतप्रधान नरेंद्र मोदी आणि भाजपा अध्यक्ष अमित शाह यांनी निवडणूक प्रचारादरम्यान केलेल्या भाषणांविरोधात तक्रार करण्यात आली होती. मोदी, शहांवर कारवाई करण्यात यावी अशी मागणी करण्यात आली आहे. दरम्यान आज बुधवारी ८ रोजी सर्वोच्च न्यायालयाने निवडणूक आयोगाला कारवाईचे आदेश देण्याला नकार दिला. काँग्रेस खासदार सुश्मिता देव यांनी याबाबत सुप्रीम कोर्टाला प्रतिज्ञापत्राद्वारे विनंती केली होती.

सुश्मिता देव यांनी निवडणूक आयोगावर मोदी-शाह यांची बाजू घेत असल्याचा आरोप करीत निवडणूक आयोग\ भेदभाव करीत असल्याचा गंभीर आरोपही केला आहे. या प्रतिज्ञापत्रात त्यांनी म्हटले आहे की, निवडणूक आयोगाने मोदी-शाह यांना कोणतेही कारण न देता गुप्तपणे क्लीनचीट देणारे अनेक आदेश दिले आहेत. यामुळे कायद्याचे वारंवार उल्लंघन झाले आहे. त्यामुळे याप्रकरणी कोर्टाने निवडणूक आयोगाला योग्य कारवाईचे आदेश द्यावेत. मात्र, असे करण्यास कोर्टाने नकार दिला.