मोबाईल चोरट्याची न्यायालयीन कोठडीत रवानगी

जळगाव । प्रितम चहा दुकानाजवळील हातगाडीवरून मोबाईल चोरी प्रकरणी संशयिताची पोलिस कोठडीची मुतद आज संपली असता त्याला न्यायालयात हजर करण्यात आले. यावेळी न्यायालयाने त्याची न्यायालयीन कोठडी रवानगी केली. कासमवाडी येथील फळविके्रते रईस रशिद बागवान यांची फळविक्रीची हातगाडी शहरातील प्रितम चहा दुकानासमोर लागले. यावेळी 31 मार्च रोजी अज्ञात चोरट्याने त्यांच्या हातगाडीवरून त्यांचा मोबाईल चोरून नेला होता. याप्रकरणी पोलिसांनी मच्छिंद्र राजाराम पवार यास अटक केली होती. त्याला न्यायालयात हजर केले असता 3 एप्रिलपर्यंत पोलिस कोठडी सुनावली होती.

आज पवार याच्या पोलिस कोठडीची मुदत संपली असता त्याला न्या. प्रतिभा पाटील यांच्या न्यायालयात हजर करण्यात आले. यावेळी त्याला न्या. पाटील यांनी न्यायालयीन कोठडी सुनावली आहे. याप्रकरणी सरकारपक्षातर्फे अ‍ॅड. आशा शर्मा यांनी कामकाज पाहिले.