यवतमाळ विधानपरिषद निवडणुकीत महाविकास आघाडीचे दुष्यंत चतुर्वेदी विजयी !

यवतमाळ: विधान परिषदेच्या यवतमाळ स्थानिक स्वराज्य संस्था मतदारसंघाच्या पोटनिवडणुकीत महाविकास आघाडीने एकत्रितपणे भाजपाला जोरदार धक्का दिला आहे. महाविकास आघाडीचे उमेदवार दुष्यंत चतुर्वेदी यांनी भाजपाचे उमेदवार सुमित बाजोरिया यांचा पराभव केला आहे. विधान परिषदेच्या यवतमाळ स्थानिक स्वराज्य संस्था मतदारसंघाच्या पोटनिवडणुकीसाठी 31 जानेवारी रोजी 100 टक्के मतदान झाले होते.

दुष्यंत चतुर्वेदी यांना पहिल्या पसंतीची 298 मते मिळाली. तर भाजपचे उमेदवार सुमित बाजोरिया यांना 185 मते मिळाली.