यावलच्या विवाहितेचा छळ : शेगावच्या पतीसह आठ जणांविरोधात गुन्हा

यावल : लग्नात समाधानकारक हुंडा दिला नाही या कारणावरून विवाहितेचा छळ करून मारहाण करणार्‍या शेगावच्या पतीसह सासरच्या आठ संशयीतांविरोधात यावल पोलिसात सोमवारी गुन्हा दाखल करण्यात आला.

यावल पोलिसात गुन्हा
यावल येथील माहेर असलेल्या मोनिका मिलिंद ताडे (26, रा.माटरगाव, ता.शेगाव, जि.बुलढाणा) या विवाहितेचा विवाह मिलिंद अनिल ताडे यांच्याशी रितीरीवाजानुसार झाला. काही दिवस चांगले गेल्यानंतर पती मिलिंद याने विवाहितेला लग्नात समाधानकारक हुंडा न मिळाल्याच्या कारणावरून शिविगाळ करीत मारहाण सुरू केली तसेच सासू, आजल सासू, मावस सासू यांनीदेखील विवाहितेला शिविगाळ केली. हा प्रकार सहन न झाल्याने विवाहिता यावल येथे माहेरी निघून आल्या. विवाहितेने या प्रकरणी पोलिसात तक्रार दाखल केल्यावरून सोमवारी संशयीत आरोपी तथा पती मिलिंद अनिल ताडे, सासू राजकन्या अनिल ताडे, मामे भाऊ सुमित प्रल्हाद विधाते, गैनिनाथा श्रीराम विधाते, आजल सासू कमलबाई श्रीराम विधाते, सुमित्रा विलासराव सौदागरे, रविंद्र भोजकर आणि मिरा भोजकर (सर्व रा.माटरगाव, ता.शेगाव, जि.बुलढाणा) यांच्याविरोधात गुन्हा दाखल करण्यात आला. तपास यावलचे पोलीस निरीक्षक सुधीर पाटील यांच्या मार्गदर्शनाखाली हवालदार असलम खान करीत आहेत.