यावल शहरातील 19 वर्षीय तरुणीची गळफास घेत आत्महत्या
यावल : शहरातील फालक नगरात राहणार्‍या 19 वर्षीय तरुणी पूजा भैरवलाल प्रजापती (19) हिने गळफास घेत आत्महत्या केली. रविवारी सकाळी ही घटना उघडकीस आली. आत्महत्येचे नेमके कारण कळू शकले नाही. याबाबत यावल पोलिसात अकस्मात मृत्यूची नोंद करण्यात आली. यावल शहरातील फालक नगरात पूजा ही कुटुंबियांसह वास्तव्यास होती. शनिवारी रात्री आपल्या कुटुंबियांसह जेवण ती झोपली असता मध्यरात्रीच्या सुमारास तरुणीने घराच्या छताच्या लोखंडी पाईपाला दोरी बांधून गळफास घेतला. रविवारी सकाळी सात वाजता वडील भैरवलाल प्रजापती हे उठल्यावर हा प्रकार लक्षात आला. याप्रकरणी भैरवलाल प्रजापती यांच्या खबरीवरून यावल पोलीस ठाण्यात अकस्मात मृत्यूची नोंद करण्यात आली आहे. भैरवलाला प्रजापती हे गेल्या 30 ते 35 वर्षांपासून यावल शहरात भेलपुरी विक्रीचा व्यवसाय करतात. ते मूळचे सेतवाणा, जि.चित्तोडगड (राजस्थान) येथील आहे. तरुणीने गळफास घेतल्याचे कारण समजू शकले नाही. याप्रकरणी पुढील तपास निरीक्षक सुधीर पाटील यांच्या मार्गदर्शनाखाली कॉन्स्टेबल नेताजी वंजारी करीत आहे. यावल ग्रामीण रुग्णालयात शवविच्छेदन करण्यात आले.